امەريكا، جاپونيا، گەرمانيا، وڭتۇستىك كورەيا حالىقتارىن ماڭگۇرت قىلىپ جىبەرۋگە بولادى

ۇيقىسى بۇزىلعان ادامنىڭ ويى توقىرايدى، ميىنا جاقسى ەشتەڭە كىرمەيتىن، ىزدەنىس پەن ويلاۋ قابىلەتىنەن ايرىلعان اشۋلانشاق بولادى، سوندىقتان عىلىم-ءبىلىم دەگەننەن گورى جەڭىل نارسەگە اۋەستىك پايدا بولادى..

ال اقش عالىمى مەتيۋ ۋولكەردىڭ ايتقانىن ماعىناسىن وزگەرتپەي شامالى وڭدەپ جازساق، ماڭگۇرتتىكتەن بولەك "ەگەر ءسىزدىڭ ۇيقىڭىز بۇزىلسا ءسىز مىندەتتى تۇردە ۆيرۋس جۇقتىراسىز، ول ءورشيدى جانە ۆاكتسينادان دا قايىر بولماۋى مۇمكىن".

ال ەگەر بۇتىندەي قوعامنىڭ، ەلدىڭ ۇيقى-سەرگەكتىك رەجيمىن بۇزساق شە؟

"ونداي حالىق عىلىم دا، ءبىلىم دە، اتوم قارۋى مەن سۇڭگۋىر قايىق تا كەرەك ەمەس، ەشتەڭەنى قاجەت ەتپەيتىن، ءوز باسىمەن ءوزى قايعى، ەشكىمگە كەرەك ەمەس، ءتىپتى وزىنە ءوزى قاجەت ەمەس توبىر ۇلتقا اينالادى".

بۇل ەندى رەسەيدە حرونوبيولوگ عالىم ۆ.اپرەلەۆتىڭ 2013 جىلى ايتقانى.

مەنىڭشە بۇنداي ۇلتتىڭ ارمانى ءىشىپ جەۋ مەن ويىن-ساۋىق، ماقساتى ءبىرىن ءبىرى كۇندەۋ مەن جۇندەۋ، ىزدەگەنى وسەك اياڭ بولادى..

ەگەر الەم مەملەكەتتەرىنىڭ ۋاقىت ولشەمىن بۇزۋ مۇمكىندىگىن بەرسە، وندا ولاردىڭ تەك ۋاقىتىن العا ءبىر ءۇش ساعات جىلجىتىپ قانا باس اياعى 100 جىلدىڭ ىشىندە امەريكا، جاپونيا، گەرمانيا، يزرايل، وڭتۇستىك كورەيا مەن تاعى باسقا عىلىم ءبىلىمى مەن ءوندىرىسى دامىعان ەلدەردىڭ حالقىن ماڭگۇرت، قولىنان ەشتەڭە كەلمەيتىن ۇلت قىلىپ بەرۋگە بولادى جانە دە بۇل قالجىڭ ەمەس، ويتكەنى عىلىم "قىرتا" بەرمەيدى...