ساپارحان وماروۆ «ازىق-تۇلىك كەلىسىم شارت كورپوراتسياسى» ۇلتتىق كومپانياسى» اكتسيونەرلىك قوعامىنىڭ باسقارما توراعاسى قىزمەتىنە سايلاندى، دەپ حابارلايدى «ادىرنا» ءتىلشىسى مينيسترلىكتىڭ ءباسپاسوز قىزمەتىنە سىلتەمە جاساپ.
«س. وماروۆتىڭ قازاقستان رەسپۋبليكاسىنىڭ ازىق-تۇلىك قاۋىپسىزدىگىن قامتاماسىز ەتۋ جانە استىق سالاسىن دامىتۋ سالاسىنداعى كوپجىلدىق ناتيجەلى قىزمەتىن، سونداي-اق استىقتى مەملەكەتتىك ساتىپ الۋ جۇيەسىندە تابىستى تاجىريبەسىن ەسكەرە وتىرىپ، قازاقستان رەسپۋبليكاسى اۋىل شارۋاشىلىعى ءمينيسترىنىڭ م. ا. بيىلعى 28 شىلدەدەگى № 227 بۇيرىعىمەن قر ۇكىمەتىنىڭ كەلىسىمىنە سايكەس، وماروۆ ساپارحان كەسىكبايۇلى «ازىق-تۇلىك كەلىسىم-شارت كورپوراتسياسى «ۇلتتىق كومپانياسى» اق باسقارما توراعاسى لاۋازىمىنا سايلاندى»،— دەلىنگەن حابارلامادا.ەسكە سالا كەتەيىك، اعىمداعى جىلدىڭ 10 شىلدەسىندە پرەزيدەنت قاسىم-جومارت توقاەۆ وماروۆتىڭ جۇمىسىن سىنعا الىپ، ونى اۋىل شارۋاشىلىعى ءمينيسترىن قىزمەتىنەن بوساتقان ەدى.
«ادىرنا» ۇلتتىق پورتالى
