قازاقستاندىق سپورتشى سوفيا بەرۋلتسەۆا (61 كگ) مەرزىمىنەن بۇرىن جارتىلاي فينالعا جولداما الدى، دەپ حابارلايدى «ادىرنا» ءتىلشىسى.
وتانداسىمىز كاراتەنىڭ كۋميتە ساناتى بويىنشا ا توبىندا باق سىناپ جاتىر.
العاشقى جەكپە-جەكتە ول تۇرىك سپورتشىسىمەن تەڭ تۇسسە، ەكىنشى كەزدەسۋىندە ەۋروپا ويىندارىنىڭ جەڭىمپازى سيلۆيا سەمەرارودان 5:1 ەسەبىمەن باسىم ءتۇستى. ءۇشىنشى جەكپە-جەكتە ازىربايجاندىق يرينا زارەتسكايانى 5:4 ەسەبىمەن جەڭدى. وسىلايشا وتانداسىمىز 5 ۇپايمەن جارتىلاي فينالعا جولداما الدى.
ءتورتىنشى كەزدەسۋىندە سوفيا جاپونيالىق ايۋمي ۋەكۋسامەن كەزدەسەتىن بولادى.
«ادىرنا» ۇلتتىق پورتالى
