№2 اتىراۋ وبلىستىق اۋرۋحاناسىندا وكپەسىنىڭ 90 پايىزى قابىنعان 56 جاستاعى تۇرعىن كوروناۆيرۋس ينفەكتسياسىنان ەمدەلىپ، اۋرۋحانادان شىقتى.
بۇل تۋرالى اۋرۋحانانىڭ ءباسپاسوز قىزمەتى حابارلايدى.
- ەمدەلۋشى جىبەك قازيەۆا 17 شىلدە كۇنى اۋرۋحاناعا وكپەسىنىڭ 90 پايىزى قابىنىپ تۇسكەن بولاتىن. وسى ارالىقتا جانساقتاۋ بولىمىنە جەتپەي، بەيىندىك بولىمدە ەمدەلدى. ەم-دومنىڭ ناتيجەسىندە سىرتقاتتى جەڭىپ، 8 تامىز كۇنى اۋرۋحانادان شىعارىلدى. الداعى ۋاقىتتا ماحامبەت اۋداندىق ۋچاستكەلىك دارىگەرىنىڭ تىكەلەي باقىلاۋىندا بولادى. بۇل وڭىردەگى تىركەلىپ وتىرعان ءبىرىنشى جاعداي. قازىرگى كەزدە اۋرۋحاناعا وكپەسىنىڭ 98 پايىزى قابىنىپ تۇسكەن ناۋقاستاردا جانساقتاۋ بولىمىنە جەتپەي ەم قابىلداۋدا،- دەدى ەمدەۋشى دارىگەرى ايدانا عالىمجانقىزى.
جىبەك قازيەۆا ءومىرىن اراشالاپ قالعان دارىگەرلەرگە العىسىن ايتىپ، اتىراۋلىقتاردى ۆيرۋسقا قارسى ساقتىق شارالارىن قاتاڭ ساقتاۋعا شاقىردى.
ايتا كەتەيىك، №2 اتىراۋ وبلىستىق اۋرحاناسىندا 179 ادام ەم قابىلداۋدا، ونىڭ ىشىندە 18 ادام جانساقتاۋ بولىمىندە جاتىر.
