سوڭعى تاۋلىكتە اۋعانستاننىڭ ۇلتتىق قورعانىس جانە قاۋىپسىزدىك كۇشتەرىنىڭ (ANDSF) بولىمشەلەرى "تاليبان" قوزعالىسىنىڭ 455 سودىرىنىڭ كوزىن جويدى. تاعى 232 ادام جاراقات العان. بۇل تۋرالى ەلدىڭ قورعانىس مينيسترلىگى حابارلادى.
قازىرگى تاڭدا شايقاستار نانگارحار، پاكتيا، پاكتيكا، لوگار، كانداگار، گەرات، فارياب، دجاۋزجان، بالح، سامانگان، گيلمەند، تاحار، كۋندۋز، باگلان جانە كاپيسا پروۆينتسيالارىندا ءوتىپ جاتىر.
ەسكە سالا كەتەيىك، باتىس كواليتسياسىنىڭ اسكەرلەرىنىڭ شىعارىلۋى اياسىندا راديكالدى ۇيىم مۇشەلەرى يران، تاجىكستان، تۇرىكمەنستان، قحر جانە پاكىستانمەن شەكارالاس اۋدانداردى باقىلاۋعا العان ەدى. اۋعانستانداعى حالىقارالىق كونتينگەنتتىڭ بۇرىنعى قولباسشىسى، گەنەرال دەۆيد پەترەۋستىڭ ايتۋىنشا، ەلدە قاندى ازاماتتىق سوعىس باستالۋى مۇمكىن.
«ادىرنا» ۇلتتىق پورتالى
