سۇيىكتىم تۇيرەۋىش سىيلاسا دا ريزامىن - مەرۋەرت تۇسىپباەۆا

4502
Adyrna.kz Telegram

جاقىندا عانا اتاۋلى 50 جاسقا تولعان ەسترادا جۇلدىزى، بەلگىلى ءانشى مەرۋەرت تۇسىپباەۆا مەرەيتويى تۋرالى “ادىرنا” ۇلتتىق پورتالىنىڭ تىلشىسىنە شاعىن سۇحبات بەردى.

-50-گە تولدىڭىز. ەلەۋلى ساننىڭ ءبىرى. عاسىردىڭ جارتىسى. ىشكى جان دۇنيەڭىزدە قانداي سەزىم بولدى؟ ارينە بەت-بەينەڭىز ءالى 18-دەي قۇلپىرىپ تۇر عوي.

-قازىرگى ۋاقىتتا كوسمەتولوگيا دامىعان زامانى. ءار ايەل بەت كۇتىمگە كوڭىل بولەدى. نيەت بولسا بولدى. نيەت ەتكەن ادام ارقاشان جارقىراپ سۇلۋ بوپ جۇرەدى. تەك وزدەرىنە بايلانىستى. سپورت بولسىن، كوسمەتولوگيا بولسىن، كوپ امالى بار عوي، وزگەرەمىن دەگەن ادامعا...

ونەر ادامى بولعان سوڭ، بىزگە تولىقتاۋعا، قالاي بولسا سولاي جۇرۋگە قۇقىق جوق.

ءتۇر سيپاتىم جاس كورىنگەنىمەن، مەن شىنىمەن 50-گە تولدىم. كەي ادامدار ايتىپ جاتادى عوي، ىشكى دۇنيەم دە ءالى جاس دەپ. مەنىڭشە، بۇل جاڭساق پىكىر سەكىلدى.

مەنىڭ جان-دۇنيەم 50 جاستا، جۇرەگىم مەن جانىم 50 دەگى ايەل.

ادام بەتىن قانشا دۇرىستاعانمەن، جانىنا يە بولمايدى. جان ءبارىبىر ءوزىنىڭ جاسىن الادى، جانە مەن وعان جابىرقامايمىن. سولاي بولۋى كەرەك.

-قازىر اۋرۋ ءوشىپ، كارانتين قاتاڭداتىلۋدا. مەرەيتويىڭىزدى قالاي اتاپ ءوتتىڭىز؟

-مەرەيتويىمدى 2 قاباتتى جەر ۇيدە اتاپ ءوتتىم. كوپ ادام شاقىرمادىم. وسى جاقىندا تۋعان باۋىرىم كوۆيدپەن اۋىرىپ، ابىگەرگە تۇستىك.

تۋعان كۇنىمدى تويلامايمىن دەپ ويلادىم. الايدا قازىر امان-ەسەن. اۋرۋحانادان شىقتى.

كەيىن ەندى قۇربىلارىم مەرەيتويدى تويلامايمىز با دەگەن سوڭ از اداممەن 2 كۇن بويى اتاپ وتتىك.

ادامدارعا دالاعا وتىرعىزىپ، بارىنشا ساقتاندىق.

-جاسىرىن بولماسا ەڭ قىزىق، قۇندى دەپ العان سىيلىعىڭىزدى اتاپ وتسەڭىز؟

-سۇيىكتىم كوپ سىيلىق سىيلادى. بارلىق سىيلىعى باعالى. تۇيرەۋىش سىيلاسا دا قۋانامىن.

-ەلۋ جىل ىشىندە بار ارمانداعان، ماقسات قىلعان ىستەردى ورىنداي الدىڭىز با؟

-قورىتىندى شىعارۋدان اۋلاقپىن. ءالى اياقتانباعان بالام بار. ءالى جاساماق يگى ىستەرىم بار.

ال ونەر تۋرالى، ونەردەگى جولىم تۋرالى ايتار بولسام، ونەردەگى جولىم اشىق بولدى. رازىمىن.
حالىق تالاسىپ اندەرىمدى ورىنداپ جاتىر. قاناعاتشىل اداممىن. ءانىمدى ايتتتىم، كينوعا ءتۇستىم.

الدا قويىلعان ومىرلىك ماقساتىم كوپ. ولاردىڭ ورىندالۋى ۋاقىتتىڭ ەنشىسىندە. ونەر جولىندا ماعان قولداۋ بىلدىرگەن، جانكۇيەر بولعان بارشاعا ۇلكەن العىس بىلدىرەمىن.

-ايتپاقشى، بۇگىن ۇلىڭىزدىڭ دا تۋعان كۇنى ەكەن. ينستاگرام جەلىسىنە تۋعان كۇنىنە ارناپ جازعان پوستىڭىزدى وقىرماندارعا ۇسىنعىمىز كەلىپ وتىر. 

-20 جىل بۇرىن سەن دۇنيەگە كەلگەندە، دارىگەرلەر مەنى جانساقتاۋ بولىمىنە جىبەرىپ، سەنى اجەڭنىڭ قولىنا ۇستاتقان ەدى...

ناركوزدان ويانا سالىپ، سەنى ىزدەگەنمىن... مەن سەنى العاش كورگەن ساتتەن- اق جانىمداي جاقسى كورگەنمىن....

بەتىڭە ءۇڭىلىپ ، مااااا، شىنىمەن مەن انا اتاندىم با ؟

مىناۋ مەنىڭ بالام با دەپ وزىمە رازى بولعانىم ەسىمدە....

قۇدايدان ءبىر، ادامنان ءبىر جالىنىپ سۇراپ العان، كوزىمنىڭ اعى مەن قاراسى، ءبىر تال بالام، جورىتقاندا جولىڭ بولسىن!!!

 

-ۇلىڭىز ۇيلەنەم دەسە دايىنسىز با؟

-ۇلىم ۇيلەنەم دەسە دايىنمىن. ءۇيى دە دايىن. بۇيىرسا شاڭىراق كوتەرگەن سوڭ، كەلىنىم ەكەۋىن بىردەن بولەك شىعارامىن.

بايقاساڭىز، قازىر مەن كەلىن تاقىرىبىن كوپ قوزعاپ ءجۇرمىن. مەن كەلىنىمدى قۇلشا جۇمساپ، ءبۇيت ءسۇيت دەمەيمىن.

بالامنىڭ باقىتتى بولۋى ءۇشىن ونىڭ تىنىشتىعىن بۇزبايمىن.

ينستاگرامعا كەلىن تۋرالى جازىلعان ءار پىكىرىمدى قولداۋشىلار كوپ. قۋانتارلىعى، قازىر كوپ ادامدار كەلىندى قۇل كورمەيدى. وعان دالەل، وزىمە جەكەگە جازعاندار وتە كوپ بولدى. بىرتە-بىرتە بارلىعى تۇسىنەدى دەگەن ويدامىن.

بالام كەلەر بولساق، وتە بايسالدى، شەشىمىنە ناق. قازىرگى بالالار زاماناۋي كوزدەرى اشىق قوي. كوپ ءتىل بىلەدى. تۋعان كۇنىڭە نە سىيلايىن دەگەندە، “ماما 20 جاسىمدى امەريكادا قارسى العىم كەلەدى” دەپ ءبىر كۇندە سومكەسىن جيناپ، كەتىپ قالدى. قازىر بالام مايامي قالاسىندا.

بالامنىڭ ءار قادامىن قۇپتايمىن. ساناسى بار. شەشىمدى ۇزاق قابىلداپ وتىرمايدى. بىردەن ايتادى. امان ءجۇرسىن. بۇگىن مەنىڭ ەڭ باقىتتى كۇنىم. انا اتانعان اتاۋلى كۇنىم...

-سۇحباتىڭىزعا راقمەت! ەڭ باقىتتى اتاۋلى كۇنىڭىزدى جاقسىلاپ اتاپ ءوتىڭىز.

سۇحباتتاسقان: ءىنجۋ ومىرزاق،
“ادىرنا” ۇلتتىق پورتالى

پىكىرلەر