2022 جىلدىڭ 1 قاڭتارىنان باستاپ ەلىمىزدە ەڭ تومەنگى جالاقى كولەمى 42 500 تەڭگەدەن 60 مىڭ تەڭگەگە دەيىن ارتادى، دەپ حابارلايدى "ادىرنا" ۇلتتىق پورتالى.
بۇل تۋرالى مەملەكەت باسشىسى قاسىم-جومارت توقاەۆ بۇگىنگى جولداۋىندا ايتتى:
«ەلىمىزدە ەڭ از جالاقى كولەمى 2018 جىلدان كوتەرىلگەن جوق. الەمدىك كوروناداعدارىس قازاقستاندىقتاردىڭ تابىسىنا سالدارىن تيگىزدى. ونىڭ ۇستىنە ەڭ تومەندى جالاقى كولەمى بويىنشا قازاقستان تمد-نىڭ بىرقاتار مەملەكەتتەرىنەن قالىس قالعان. وسى ورايدا 2022 جىلعى 1 قاڭتاردان باستاپ ەڭ تومەنگى جالاقى كولەمىن 42 500 تەڭگەدەن 60 مىڭ تەڭگەگە ارتتىرۋ تۋرالى شەشىم قابىلدادىم. اتالعان باستاما 1 ملن-نان استام قازاقستاندىقتى قامتيدى. بۇل ءوز كەزەگىندە كولەڭكەلى جالاقى ماسەلەسىن جويىپ، ەل ەكونوميكاسىنا وڭتايلى اسەرىن تيگىزەدى. جانە ساراپشىلاردىڭ پىكىرىنشە بۇل ءجىو-ءدى 1,5 ەسە ارتۋىنا ىقپال ەتەدى»، - دەپ مالىمدەدى قر پرەزيدەنتى قاسىم-جومارت توقاەۆ جولداۋ بارىسىندا.
"ادىرنا" ۇلتتىق پورتالى