Twitter پرەزيدەنتتىڭ ءباسپاسوز حاتشىسى بەرىك ءۋاليدىڭ پاراقشاسىن بۇعاتتاپ سالدى، دەپ حابارلايدى "ادىرنا" ۇلتتىق پورتالى.
بەرىك ءۋاليدىڭ جەكە پاراقشاسى ەسەپتىك جازبانىڭ توقتاتىلعانىن كورسەتىپ تۇر. وسى ماسەلە بويىنشا:
- قازىرگى تاڭدا Twitter اككاۋنتىمدى بۇعاتتاۋىنىڭ سەبەپتەرىن انىقتاۋدامىن. مەن تەحنيكالىق قولداۋ قىزمەتىنە جازدىم جانە ولاردان تۇسىنىكتەمە كۇتەمىن. وزدەرىڭىز بىلەتىندەي، مەن Facebook جانە Instagram سەكىلدى الەۋمەتتىك جەلىلەردى بەلسەندى تۇردە قولدانامىن. مەن وسى الەۋمەتتىك جەلى پاراقشالارىن مەملەكەت باسشىسى قاسىم-جومارت توقاەۆتىڭ قىزمەتى تۋرالى حالىقتى حاباردار ەتۋ ءۇشىن قولداناتىن بولامىن، – دەپ مالىمدەدى بەرىك ءۋالي.
ايتا كەتەيىك، Twitter الەۋمەتتىك جەلىسىنىڭ ۆەب-سايتىندا ەسەپتىك جازبانىنىڭ بۇعاتتالۋ فاكتىسى نەمەسە ونىڭ كەيبىر فۋنكتسيالارىنا ۋاقىت شەكتەۋلەرىن ەنگىزۋى حاكەرلىك شابۋىلعا ۇشىراعاندا، نە بولماسا ونىڭ يەسى جەلى ەرەجەلەرىن يا بولماسا قىزمەت كورسەتۋ شارتتارىن بۇزعان بولسا پاراقشا "بانعا" تۇسەدى.
"ادىرنا" ۇلتتىق پورتالى
