2018 جىلدىڭ 15 قاڭتار كۇنى، ساعات 12.00-دە جانار جاحات (Zhanar Zhahat) فەيسبۋك پاراقشاسىندا قاراعاندى وبلىسىنىڭ ورىس تىلىندەگى باس گازەتى «ينۋدستريالنايا كاراگاندا» ماڭدايشاسىنداعى مۇقابادان وراق پەن بالعانى قايشىلاعان «سسسر» بەلگىلى «ەڭبەك قىزىل تۋ» وردەنىنىڭ باتتيىپ تۇرعانىن جازعان ەكەن. «قازاقتىڭ ءوز گەربى قايدا؟ ءبىزدىڭ شىعىس قازاقستاننىڭ وزىندە مۇندايعا جول بەرىلمەس ەدى؟» دەيدى ول.
بۇل گازەت 1931 جىلى 11 قىركۇيەكتە ەڭ العاش جارىق كورىپتى. بۇل ۋاقىت قالا ىرگەسىندەگى سولتۇستىكتەن وڭتۇستىككە 300 شاقىرىم، باتىستان شىعىسقا 200 شاقىرىم اۋماقتا تۇرعان ەلدى اتا-مەكەنىنەن قۋىپ شىعىپ، اتىشۋلى كارلاگ ەڭبەكپەن تۇزەتۋ لاگەرىن قۇرعان كەزبەن سايكەس كەلەدى. قازاقتىڭ جارتىسىنان استامىن جويعان اشارشىلىق، بەتكە شىعار قايماعىن جۇتىپ قويعان رەپرەسسيا، جوعالعان جۇرتتىڭ ورنىنا توعىتىلعان جاتجۇرتتىقتار ءالى كۇنگە ءوز زاردابتارىن جويماعان ەكەن. باياعى دالاداي دارحان، اسىل تەكتى قازاقتىڭ توز-توزىن شىعارعان ساياسي جۇيەنىڭ بەلگىلەرىنەن ايرىلعىسى كەلمەي وتىرعان وبلىستىق باسىلىمنىڭ ۇستانىمى قازاقستاننىڭ تاۋەلسىزدىگىن اياققا تەپكەنمەن بىردەي ەكەنىن كوزىقاراقتى وقىرمان جاقسى تۇسىنەدى. تومەندە جانار جاحاتتىڭ جازباسىن قاز-قالپىندا بەرىپ وتىرمىز.

«ادىرنا» ۇلتتىق پورتالى