2021 جىلعى 21-22 قىركۇيەك ارالىعىندا الماتى وبلىسىنىڭ تامعالى تاس شاتقالىندا قاپشاعاي قالاسىنان تومەن «جارتاستى قالا-استانا» وقۋ – جاتتىعۋ پوليگونىندا «الماتى وبلىسىنداعى جويقىن جەر سىلكىنىسى سالدارىنان تۋىنداعان توتەنشە جاعدايلاردى جويۋ كەزىندەگى ءىس-قيمىلدارعا ازاماتتىق قورعاۋ مەملەكەتتىك جۇيەسىنىڭ باسقارۋ ورگاندارىن، كۇشتەر مەن قۇرالدارىن دايىنداۋ» تاقىرىبىندا «جەر-2021» حالىقارالىق كوماندالىق-شتابتىق وقۋ-جاتتىعۋى وتكىزىلدى.
وقۋ-جاتتىعۋ قازاقستان رەسپۋبليكاسىنىڭ توتەنشە جاعدايلار ءمينيسترى يۋري ۆيكتوروۆيچ ءيليننىڭ باسشىلىعىمەن ءوتتى.
بۇل وقۋ-جاتتىعۋلاردىڭ ماقساتى ءبىرىنشى كەزەكتە ازاماتتىق قورعاۋدىڭ مەملەكەتتىك جۇيەسىنىڭ الماتى وبلىسىنداعى ىقتيمال قيراتۋشى جەر سىلكىنىسى ناتيجەسىندە تۋىنداعان توتەنشە جاعدايدى جويۋعا ازىرلىك دەڭگەيىن جانە قابىلەتىن ارتتىرۋ بولىپ تابىلادى. سونداي-اق تمد ەلدەرىنىڭ اۋماقتارىندا اۋقىمدى توتەنشە جاعدايلار تۋىنداعان كەزدە مەملەكەتارالىق ءوزارا ءىس-قيمىلدى جەتىلدىرۋ.وقۋ-جاتتىعۋعا قر تجم ۆەدومستۆولىق باعىنىستى بولىمشەلەرى، سونداي-اق قازاقستان رەسپۋبليكاسىنىڭ باسقا دا مينيسترلىكتەرى مەن ۆەدومستۆولارى، وبلىستاردىڭ جانە رەسپۋبليكالىق ماڭىزى بار قالالاردىڭ ازاماتتىق قورعاۋ قىزمەتتەرى، حالىقارالىق ىنتىماقتاستىق اياسىندا قىرعىزستان مەن وزبەكستان تجم اۆاريالىق-قۇتقارۋ قىزمەتتەرى قاتىستى.
