2021 jylǵy 21-22 qyrkúıek aralyǵynda Almaty oblysynyń Tamǵaly Tas shatqalynda Qapshaǵaı qalasynan tómen «Jartasty qala-Astana» oqý – jattyǵý polıgonynda «Almaty oblysyndaǵy joıqyn jer silkinisi saldarynan týyndaǵan tótenshe jaǵdaılardy joıý kezindegi is-qımyldarǵa azamattyq qorǵaý memlekettik júıesiniń basqarý organdaryn, kúshter men quraldaryn daıyndaý» taqyrybynda «Jer-2021» halyqaralyq komandalyq-shtabtyq oqý-jattyǵýy ótkizildi.
Oqý-jattyǵý Qazaqstan Respýblıkasynyń Tótenshe jaǵdaılar mınıstri Iýrıı Vıktorovıch Ilınniń basshylyǵymen ótti.
Bul oqý-jattyǵýlardyń maqsaty birinshi kezekte azamattyq qorǵaýdyń memlekettik júıesiniń Almaty oblysyndaǵy yqtımal qıratýshy jer silkinisi nátıjesinde týyndaǵan tótenshe jaǵdaıdy joıýǵa ázirlik deńgeıin jáne qabiletin arttyrý bolyp tabylady. Sondaı-aq TMD elderiniń aýmaqtarynda aýqymdy tótenshe jaǵdaılar týyndaǵan kezde memleketaralyq ózara is-qımyldy jetildirý.
Oqý-jattyǵýǵa QR TJM vedomstvolyq baǵynysty bólimsheleri, sondaı-aq Qazaqstan Respýblıkasynyń basqa da mınıstrlikteri men vedomstvolary, oblystardyń jáne Respýblıkalyq mańyzy bar qalalardyń azamattyq qorǵaý qyzmetteri, halyqaralyq yntymaqtastyq aıasynda Qyrǵyzstan men Ózbekstan TJM avarııalyq-qutqarý qyzmetteri qatysty.
