سيريا سىرتقى ىستەر ءمينيسترى فەيسال ميكداد تۇركيا ەلدىڭ سولتۇستىك پروۆينتسيالارىنان اسكەرىن تەزىرەك شىعارۋى كەرەك دەگەن مالىمدەمە جاسادى، دەپ حابارلايدى «ادىرنا» ءتىلشىسى Tasnim -گە سىلتەمە جاساپ.
ميكداد تۇرىك اسكەرلەرى داۋلى جەرلەردى تاستاپ كەتۋى كەرەكتىگىن باسا ايتتى.
"يدليب ايماعىنداعى ۋشىعۋدىڭ نەگىزگى سەبەبى - تۇرىك وككۋپاتسياسى جانە تۇركيانىڭ تەرروريستىك توپتارعا كورسەتكەن قولداۋى. تۇركيا دەرەۋ كەتىپ، حالىقارالىق قاۋىمداستىق سيريانىڭ ەلدىڭ سولتۇستىگىندە باسىپ الىنعان جەرلەردى ازات ەتۋ ارەكەتىن قولداۋى كەرەك", - دەدى مينيستر.
ول سونداي-اق بۇۇ انكارانى اسكەرلەرىن قايتارىپ الۋعا جانە سولتۇستىك اۋماقتاردى سيريا ۇكىمەتىنىڭ باقىلاۋىنا قايتارۋعا شاقىرۋى كەرەك ەكەنىن مالىمدەدى.
بۇعان دەيىن تۇركيا پرەزيدەنتى تايىپ ەردوعان سيريا قارۋلى كۇشتەرىن تۇركيانىڭ كيليس پروۆينتسياسىنا زىمىرانمەن وق جاۋدىردى دەپ ايىپتاعان بولاتىن.
«ادىرنا» ۇلتتىق پورتالى
