شىمكەنتتە كوپقاباتتى ءۇيدىڭ اۋلاسىنان 28 جاستاعى بويجەتكەننىڭ دەنەسى تابىلعان، دەپ حابارلايدى "ادىرنا" ۇلتتىق پورتالى "استانا" ارناسىنا سىلتەمە جاساپ.
سىرعاناققا اسىلىپ تۇرعان ءمايىتتى كورگەندەر دەرەۋ پوليتسياعا حابارلاعان. ءتارتىپ ساقشىلارى بۇل حاباردى راستادى. ولاردىڭ ايتۋىنشا، قايعىلى جاعداي 18 قىركۇيەكتە بولعان. قازىر ويىن الاڭىندا كوز جۇمعان ايەلگە قاتىستى تەرگەۋ ءجۇرىپ جاتىر.
"اتالعان جايت سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە قر قك 105-بابىنىڭ 1-بولىگىمەن تىركەلدى. ءىس بويىنشا سوت-مەديتسينالىق ساراپتاما تاعايىندالدى. قازىرگى تاڭدا تەرگەۋ جۇمىستارى جۇرگىزىلۋدە", — دەيدى شىمكەنت قالالىق پوليتسيا دەپارتامەنتىنىڭ ىشكى جانە سىرتقى كوممۋنيكاتسيالار باسقارماسىنىڭ باستىعى ءمولدىر بەكەەۆا.
بالالاردىڭ ويىن الاڭىندا بولعان بۇل جايتتان تۇرعىندار بەيحابار ەكەن. ولار مۇنى الەۋمەتتىك جەلىدەن كورىپ، جاعاسىن ۇستاعان. ايتۋلارىنشا، قايتىس بولعان ايەل بۇل اۋداننىڭ تۇرعىنى ەمەس.
"ونداي جاعداي بولسا ەسىتەر ەدىم. ايتاتىن ەدى عوي كورشىلەر. باسقا جاقتان كەلگەن قىز شىعار بالكىم. بۇرىن بۇل جەردە ءبىر جاعداي بولعان 5-6 جىل بۇرىن. گاراجدىڭ قاسىندا ءبىر قىزدى ورتەپ كەتكەن. بۇل جەردە قىلمىس دەگەن كوبەيىپ بارا جاتىر", — دەيدى جەرگىلىكتى تۇرعىن باقىتجان ورمانوۆ.
"ادىرنا" ۇلتتىق پورتالى.
