Grammy سىيلىعىنىڭ يەگەرى، قازاقستاندىق مۋزىكانت يمانبەك زەيكەنوۆ اقسۋ قالاسىندا ەسكەرتكىش ورناتۋ يدەياسىنا قاتىستى ءوز پىكىرىن ءبىلدىردى، دەپ حابارلايدى "ادىرنا" ۇلتتىق پورتالى.
باق-تا يمانبەككە ەسكەرتكىش ورناتقالى جاتقانى تۋرالى اقپارات تاراعان بولاتىن. مۋزىكانت بۇعان قاتىستى ءوز پىكىرىن Instagram-دا تىكەلەي ەفيردە ايتتى.
ونىي ايتۋىنشا، ءبىر اي بۇرىن وعان جەرگىلىكتى اكىمدىكتەن قوڭىراۋ شالىپ، اقسۋ قالاسىنا ونىڭ بەدەلدى مۋزىكالىق بايقاۋداعى جەڭىسىنە وراي گرامموفون ءمۇسىنىن ورناتۋ تۋرالى ويىن سۇراعان.
- ەگەر سىزدەرگە قيىن بولماسا قويىڭىزدار. كەرەمەت يدەيا. ال نەگىزىندە ماعان ءبارىبىر، —دەيدى يمانبەك.
ودان بولەك يمانبەك سوڭعى ۋاقىتتا سىن-پىكىردىڭ استىندا قالعانىن جەتكىزدى. سوندىقتان ونى توقتاتۋ ءۇشىن تىكەلەي ەفيرگە شىققان.
- ەگەر ماعان ەسكەرتكىش ورناتسا، شىنىمەن وتە ۇيات بولادى. بۇل مەنمەندىكتىڭ شىڭى جانە ءوزىن-ءوزى اسىرا باعالاۋ، —دەدى ديدجەي.
ەسكە سالا كەتەيىك، يمانبەك زەيكەنوۆ 2021 جىلدىڭ ناۋرىز ايىندا «Roses» انىنە جاساعان رەميكسى ءۇشىن الەمدىك «گرەممي» سىيلىعىن جەڭىپ الدى. ول تمد ەلدەرى اراسىندا بۇل سىيلىقتى يەلەنگەن العاشقى ادام.
"ادىرنا" ۇلتتىق پورتالى
