قوستاناي وبلىسىنىڭ پوليتسياسى ساباقتان شىعىپ، ءىز-ءتۇزسىز جوعالىپ كەتكەن 13 جاستاعى ءجاسوسپىرىمدى ىزدەستىرۋدە، دەپ حابارلايدى «ادىرنا» ءتىلشىسى قازاقپارات-قا سىلتەمە جاساپ.
«2021 جىلعى 27 قىركۇيەك كۇنى ساعات 11:00 شاماسىندا رۋستام تاشماعامبەتوۆ ساباقتان شىعىپ، سول كۇيى ۇيىنە ورالماعان. قازىرگى كەزدە پوليتسەيلەر جەدەل-الدىن الۋ شارالارىن وتكىزىپ جاتىر. وبلىستىق پوليتسيانىڭ بۇكىل جەكە قۇرامى جۇمىلدىرىلعان. ىزدەۋ جۇمىستارىنا ەرىكتىلەر دە قاتىسىپ ءجۇر»، - دەپ حابارلادى پوليتسيادان.بالانىڭ بەلگىلەرى: بويى 152 cم، دەنەسى تولىق، شاشى قىسقا، قارا ءتۇستى، كوزى قويۋ قارا. كيگەن كيىمى: قويۋ قىزىل جەيدە، كوك ءتۇستى شالبار، قارا قوڭىر اياق كيىم. پوليتسيا ءجاسوسپىرىمنىڭ جۇرگەن جەرى تۋرالى قانداي دا ءبىر اقپاراتى بار ادامداردى «102» نومىرىنە حابارلاسۋىن سۇرايدى.
«ادىرنا» ۇلتتىق پورتالى
