تانىمال قازاقستاندىق ءانشى ديماش قۇدايبەرگەن قىتايعا ورالۋ تۋرالى شەشىمىن Instagram-داعى پاراقشاسىندا ءمالىم ەتتى، دەپ حابارلايدى "ادىرنا" ۇلتتىق پورتالى.
- دوستار، الەمدىك شوۋ-بيزنەستەگى جۇمىسىمدى جالعاستىرۋ ءۇشىن 2 جىلدان كەيىن قىتايعا ورالعانىمدى حابارلايمىن. بۇل كەزدەسۋدى دۇنيەجۇزىلىك كارانتينگە بايلانىستى 2 جىل كۇتۋگە تۋرا كەلدى. ءبىر ايعا جۋىق ۋاقىتتى وقشاۋلانۋدا وتكىزدىم، وسى مەرزىم ىشىندە قىتايداعى كومانداممەن ىسكە اسىراتىن كوپتەگەن جوسپار قۇرىپ قويدىم، - دەپ جازدى ءانشى.
ديماش سونداي-اق ەگەر كارانتينگە بايلانىستى تىيىم بولماسا الەمنىڭ بارلىق ەلىندەگى ءتۇرلى كونتسەرتتەر مەن تەلەۆيزيالىق تۇسىرىلىمدەرگە قاتىساتىنىن ايتتى.
- ءيا، الەمدەگى كارانتين مەنىڭ جوسپارلارىما اسەر ەتتى. بىراق وسى ساتتەن باستاپ سىزدەردى شىعارماشىلىعىممەن ودان دا كوبىرەك قۋانتاتىن بولامىن. سىزدەردى جاقسى كورەمىن!، - دەدى د.قۇدايبەرگەنوۆ.
پوسموترەت ەتۋ پۋبليكاتسيۋ ۆ Instagram
ايتا كەتەيىك، ديماش قۇدايبەرگەن «King Choice» رەيتينگىندە (ازياداعى ەڭ سىمباتتى 100 جىگىتى) كوش باستاپ تۇر. Kingchoice.me سايتىندا جۇرگىزىلىپ جاتقان داۋىس بەرۋ 30 قىركۇيەك كۇنى اياقتالماق.
"ادىرنا" ۇلتتىق پورتالى
