2018 جىلعى 19 قاڭتاردا قازاقستان رەسپۋبليكاسى ۇلتتىق مۋزەيىندە «جاھاندىق جاڭعىرۋداعى قازاقستاندىق باعىتتار مەن جولدار» اتتى دوڭگەلەك ۇستەل ءوتتى.
جيىن بارىسىندا 2018 جىلعى 10 قاڭتارداعى پرەزيدەنت ن. نازارباەۆتىڭ «ءتورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» تاقىرىبىنداعى جولداۋى تالقىلاندى.
قاتىسۋشىلاردىڭ بارلىعى دا پرەزيدەنت جولداۋى تۋرالى پىكىر ءبىلدىرىپ، ءار باعىتىنا جەكە-جەكە توقتالىپ، جىلىكتەي ايتتى. «قازىرگى جاھاندانۋ كەزىندە قازاقستاندىقتار ءۇشىن جاڭا تەحنولوگيالاردىڭ ءتىلىن مەڭگەرۋ، ساندىق تەحنولوگيانى ەنگىزۋ – باستى باعىت بولىپ تابىلادى. پرەزيدەنت جولداۋىندا قازاقستاندىق يندۋستريالاندىرۋ، كولىكتىك-لوگيستيكالىق ينفراقۇرىلىمدى جاڭعىرتۋ مەن تسيفرلاندىرۋعا دا ەرەكشە كوڭىل ءبولدى. الەۋمەتتىك سالا مەن ادامي كاپيتالدى دامىتۋ جولدارى دا نازاردان تىس قالمادى. جولداۋدا پرەزيدەنت ەلىمىزدىڭ وتكەن جىلعى جەتكەن جەتىستىكتەرىن دە اتاپ ءوتتى. سول جەتىستىكتەرگە ۇلتتىق مۋزەيدىڭ دە قوسقان ۇلەسى بار دەپ ايتۋعا بولادى»، – دەدى ۇلتتىق مۋزەي ديرەكتورىنىڭ ورىنباسارى اباي ساتۋبالدين.
ل.گۋميلەۆ اتىنداعى ەۇۋ زاماناۋي زەرتتەۋ ينستيتۋتىنىڭ ديرەكتورى – سىدىقنازاروۆ مۇحيت-ارداگەر جولداۋدا ايتىلعان ناقتى سالالاردى يندۋستريالاندىرۋ تالاپتارىنا بەيىمدەۋ باعىتىنا نازار اۋدارىپ، حالىقتىڭ اقپاراتقا قولجەتىمدىلىگىن ارتتىرۋ قاجەتتىگىنە توقتالدى. مەملەكەتتىك قىزمەتكەرلەردىڭ سمارتفون قولدانۋىنا تىيىم سالۋ ادامنىڭ مۇمكىندىكتەرىن شەكتەۋ بولىپ تابىلادى دەگەن دە پىكىر ايتتى مۇحيت-ارداگەر مىرزا.
قازاقستان رەسپۋبليكاسى پرەزيدەنتىنىڭ بيىلعى جولداۋى ەرەكشە سيپاتقا يە. تسيفرلاندىرۋ، ساندىق تەحنولوگيالاردى بارلىق سالاعا ەندىرۋ جولداۋدىڭ باستى باعىتى بولىپ تابىلادى. سونىمەن قاتار پرەزيدەنت جولداۋىندا قازاقستاندىق يندۋستريانى، كولىكتىك-لوگيستيكالىق ينفراقۇرىلىمدى جاڭعىرتۋ مەن تسيفرلاندىرۋعا دا كوپ كوڭىل بولگەن. الەۋمەتتىك سالا جانەادامي كاپيتالدى دامىتۋ جولدارى دا جولداۋدا ەرەكشە اتاپ وتىلگەن باعىتتار بولىپ وتىر.
nationalmuseum.kz
