83 جىلدىق تاريxى بار قۋىرشاق تەاترى اعىمداعى جىلدىڭ اقپان ايىنىڭ 1-15 كۇندەرى ارالىعىندا الماتى قالاسىندا وتەتىن «وتكروۆەنيە» V حالىقارالىق ورىنداۋشىلىق ونەر فەستيۆالىنە قاتىسادى. بيىلعى ونەر مەرەكەسىنە فرانتسيا، ۇلىبريتانيا، رەسەي، گەرمانيا، وزبەكستان جانە قازاقستاننىڭ ۇزدىك ونەر ۇجىمدارى قاتىسىپ، باق سىناپ، ءوزارا تاجىريبە الماسپاق. كاسىبي ساراپشىلاردىڭ تالداۋلارىن تىڭداپ، شەبەرلىكتەرىن اتتىرماق.
ۇزدىكتەر باس قوساتىن درامالىق، لابوراتوريالىق ونەر وردالارىنىڭ قاتارىندا قۋىرشاق تەاترىنىڭ اتىنان «انا جۇرەگى» (اۆت.: ە.يونوۆ، رەج.: ا.زايتسەۆ) درامالىق قويىلىمى قاتىسادى. بۇل – ءبىزدىڭ ۇجىم ءۇشىن زور جەتىستىك. بيىلعى ماۋسىمدا پرەمەراسى وتكەن سپەكتاكلدىڭ تاقىرىبى مەن كورەرمەنگە بەرەر ويى، مازمۇنى مەن ماڭىزى ەرەكشە بولماق. قانشاما عاسىر وتسە دە، ءومىردىڭ كىلتىن ۇستاپ تۇرعان «انا» مەن «بالا» ۇعىمى ەشقاشان قۇندىلىعىن جوعالتقان ەمەس. انا بالاعا، بالا اناعا تاۋەلدى. بىراق، بۇگىنگى زاماندا ءبىز بۇل تۇسىنىكتى قالاي قابىلدايمىز؟!. مىنە، وسى ساۋالعا جاۋاپ ىزدەيتىن قويىلىم قۋىرشاقتار بەينەسىندە ءتىل قاتىپ، كورەرمەنگە ەرەكشە اسەر قالدىراتىنى انىق.
اتالمىش قويىلىم 2 اقپان كۇنى، ساعات 11:00-دە تەاتر ساحناسىندا فەستيۆال قاتىسۋشىلارى مەن قوناقتارىنىڭ، ساراپشىلاردىڭ نازارىنا ۇسىنىلادى.
مەملەكەتتىك قۋىرشاق تەاترىنىڭ
«دامۋ جانە كورەرمەندەرمەن بايلانىس» ءبولىمى
بايلانىس تەلەفونى: +7 (717) 234-79-22
+7 775 628 28 48
