«قازاقستان» تەلەراديوكورپوراتسياسىندا بىرقاتار كادرلىق وزگەرىستەر ورىن الدى. ماقپال جۇماباي «Balapan» ارناسىنىڭ ديرەكتورى قىزمەتىنە كەلدى. ال، وسى ارنانى باسقارىپ كەلگەن جانار شامەل «قازاقستان» رترك اق توراعاسىنىڭ كەڭەسشىسى قىزمەتىنە تاعايىندالدى.
جانار شامەل «Qazaqstan» ۇلتتىق تەلەارناسىنداعى تاڭعى باعدارلامالاردىڭ جۇرگىزۋشى قىزمەتىنەن باستاعان. ۇزاق جىلدار «تاڭشولپان» حابارىنىڭ تىكەلەي ەفيرىن جۇرگىزىپ، شەف – رەداكتور، پروديۋسەر قىزمەتتەرىن اتقاردى. 2010 جىلى ەلباسىنىڭ باستاماسىمەن اشىلعان تۇڭعىش «Balapan» تەلەارناcىنىڭ نەگىزىن قالاۋشىلاردىڭ ءبىرى، العاشقى ديرەكتورى بولدى. انا تىلىمەن قوسا اعىلشىن، ۋردۋ، حيندي تىلدەرىن مەڭگەرگەن.
ماقپال جۇماباي العاشقى ەڭبەك جولىن رەسپۋبليكالىق «انا ءتىلى» ۇلت گازەتىنىڭ ءتىلشىسى بولىپ باستاعان. ءار جىلدارى «Qazaqstan» تەلەارناسى تاڭعى باعدارلامالار بىرلەستىگىنىڭ رەداكتورى، شەف-رەداكتورى، سونداي-اق، «Balapan» ارناسىنىڭ شەف-رەداكتورى، پروديۋسەرى قىزمەتتەرىن اتقارعان. مەملەكەتتىك “دارىن” جاستار سىيلىعىنىڭ، قر پرەزيدەنت قورى گرانتىنىڭ يەگەرى.
اۋساتوۆ ءازىمحان «قازاق راديولارى» جشس باس ديرەكتورىنىڭ ورىنباسارى قىزمەتىنە، «قازاق راديوسىنىڭ» ديرەكتورى لاۋازىمىنا ءنازيرا بەردالى، «شالقار» راديوسىنىڭ ديرەكتورى بولىپ قالقامان سارين تاعايىندالدى.
ءازىمحان اۋساتوۆ ءار جىلدارى «قازاق راديوسىندا» رەداكتور، اقپاراتتى-ساراپتامالىق جانە تاڭعى باعدارلامالار رەداكتسياسى جەتەكشىسىنىڭ ورىنباسارى، ايماقتار رەداكتسياسىنىڭ جەتەكشىسى، شەف رەداكتورى قىزمەتتەرىن اتقارىپ كەلدى.
نازيرا بەردالى ەڭبەك جولىن «Qazaqstan» تەلەارناسىندا تاڭعى باعدارلامالاردىڭ رەداكتورى بولىپ باستاعان. ءار جىلدارى تەلەۆيزيا سالاسىندا جۇرگىزۋشىسى، شىعارماشىلىق توپتىڭ جەتەكشىسى، باس رەداكتوردىڭ ورىنباسارى بولىپ قىزمەت ەتتى. قر پرەزيدەنتىنىڭ ادەبيەت سالاسىنداعى سىيلىعىنىڭ يەگەرى.
قالقامان سارين 2013 جىلى «استانا» تەلەارناسىندا «كەش ەمەس» ساياسي-الەۋمەتتىك توك-شوۋىنىڭ جانە 2016 جىلى «Qazaqstan» ارناسىندا «وي-تولعاۋ» باعدارلاماسىنىڭ جۇرگىزۋشىسى بولدى. مەملەكەتتىك “دارىن” جاستار سىيلىعىنىڭ، قر پرەزيدەنت قورى گرانتىنىڭ يەگەرى.
"ادىرنا" ۇلتتىق پورتالى
