قازاقستاندىق بەلگىلى ساياساتتانۋشى، كاسىپكەر سانجار بوقاەۆ الەۋمەتتىك جەلىدەگى پاراقشاسىندا قازاقستان وسى ۋاقىتقا دەيىن 3 نپز-عا 6 ملرد دوللار جۇمساپ، ونىڭ قاي جەرىن وزگەرتكەنىن وزدەرى دە بىلمەيتىنىن مالىمدەپ، ديزەل ماسەلەسىنىڭ ءالى كۇنگە دەيىن شەشىلمەي كەلە جاتقانىنا الاڭداتۋشىلىق ءبىلدىردى. بۇل تۋرالى "ادىرنا" ۇلتتىق پورتالى حابارلايدى.
- جاڭا عانا ازس-كە بارىپ جاڭارماي قۇيىپ الدىم. ءالى دە ديزەل ماسەلەسى شەشىلمەگەن ەكەن. وزىمىزدە ءۇش نپز بار. ونىڭ بارلىعى ەسكى. اتىراۋ نپز (1945), پاۆلودار نپز (1978), شىمكەنت نپز (1985). 1945 جىلمەن 1985 جىل ارالىعىندا سالىنعان. ەندى ءبىز ارقاشان دا كورىپ جاتساڭىز، مودەرنيزاتسياسىن جاساپ جاتامىز. ءبىزدىڭ سوڭعى 2018 جىلعى مودەرنيزاتسيا وتكەن كەزدە، ءبىزدىڭ ۇكىمەت ىشكى نارىعىمىزدىڭ قاجەتتىلىگىن تولىقتاي قامتيمىز دەپ ۋادە بەرگەن بولاتىن. الايدا جىل سايىن سايكەسىنشە ديزەل جوق ، - دەيدى سانجار بوقاەۆ.
سونىمەن قاتار ساياساتتانۋشى حالىقارالىق تاجىريبەگە سۇيەنىپ، كوپتەگەن ەلدەردە 2 نەمەسە 3 ميلليارد دوللارعا جاڭا نپز سالىنىپ جاتقانىن اتاپ ءوتتى.
- مىسالى، "BP" كومپانياسى 3 ميللاردقا كەرەمەت سونىڭ مودەرنيزاتسياسىن جاساپ، ءبىزدىڭ 3 زاۋىتىمىز بەرەتىن كولەمدەگى دەڭگەيگە جەتكىزگەن. ال بىزدە 2018 جىل بولعان مودەرنيزاتسياعا ءبىز 2 تريلليون تەڭگە نەمەسە 6 ميلليارد دوللار جۇمساعان ەكەنبىز. ونىي قاي جەرىنە مودەرنيزاتسيا جاساعانىن وزدەرى دە بىلمەيدى. بۇنى تاعى دا جاقسىلاپ تەكسەرگەن ءجون دەپ ويلايمىن. ويتكەنى، بۇنىڭ استارىندا ۇلكەن جەمقورلىق جاتىر،- دەپ مالىمدەدى بەلگىلى ساياساتتانۋشى.
ءسوز سوڭىندا سانجار بوقاەۆ: ء"بىز مۇنايدىڭ ۇستىندە وتىرىپ، ءبىزدىڭ حالىقتىڭ قاجەتتى كولەمدە جانە دە دۇرىس ساپادا جاڭارمايعا قول جەتكىزبەگەنى ۇيات نارسە. وزبەكستان بولسا، سوڭعى 15 جىلدا 3 گازوحيميالىق كومبيناتتارىن سالىپ العان. ءبىز ءالى دە بىرەۋىن سالعان ەمەسپىز. سوندىقتان كىشكەنە نامىس بولۋ كەرەك..." - دەدى.
View this post on Instagram
"ادىرنا" ۇلتتىق پورتالى
