تيك-توك جەلىسىندە دوسبول الياكبار ەسىمدى جاس جىگىتتىڭ قازاقستاننىڭ بۇگىنگى حال-احۋالىنا قاتىستى تۇسىرگەن ۆيدەوسى قىزۋ تالقىعا تۇسۋدە. ول الماتى قالاسىنىڭ اكىمى باقىتجان ساعىنتاەۆقا ۇندەۋ جولدادى، دەپ حابارلايدى "ادىرنا" ءتىلشىسى.
دوسبول ۆيدەودا الماتى قالاسىنىڭ تيميريازەۆ-جاندوسوۆ كوشەلەرىنىڭ قيىلىسىنىڭ بويىمەن جۇرە وتىرىپ، بار جوعى 2,5 كم اراقاشىقتىقتا كەزدەستىرگەن 17 لومبارد دۇكەنىن جانە تيميريازەۆ كوشەسىنىڭ ساۋ تامتىعى قالماعان جولىنىڭ لايلانىپ، ادام جۇرۋگە كەلمەيتىنىن ايتتى.
"كورىپ تۇرعاندارىڭىزداي بۇل كوشەنىڭ سۇلۋلىعى، ءتىپتى مۇندا بالىق اۋلاۋعا بولاتىن سياقتى" دەيدى ول.
"بارلىعىمىز جاقسى بىلەتىندەي، تيميريازەۆ كوشەسىندە نەگىزىندە ستۋدەنتتەر وتە كوپ تۇرادى. قۇرمەتتى ساعىنتاەۆ مىرزا، قالا اكىمشىلىگى! ءيا، مەن تۇسىنەم لومبارد تا كاسىپكە جاتاتىنىن. بىراق تا، ەكى-ءۇش لومبارد بولسا جارايدى، بىراق نە ءۇشىن ونىڭ سانى 17? تەك تيميريازەۆ كوشەسىندە. لومبارد دەگەن قوعامعا پايداسىن الىپ كەلەتىن كاسىپ ەمەس. سوڭعى ۋاقىتتا، لومبارد، زايم، قارىزعا اقشا بەرۋ دەگەن نارسەلەر قاپتاپ كەتىپتى. سول ماسەلەنى شەشسەڭىزدەر جاقسى بولار ەدى" دەيدى دوسبول ۆيدەونىڭ سوڭىندا.
"ادىرنا" ۇلتتىق پورتالى
