قازاقستانعا شەتەل ازاماتتارىنىڭ كىرۋى اقىلى بولۋى مۇمكىن، دەپ حابارلايدى "ادىرنا" ءتىلشىسى كۋرسيۆكە سىلتەپ.
سەربيا سىرتقى ىستەر مينيسترلىگى ازاماتتارىنا ەلەكتروندى ءوتىنىم ءۇشىن شامامەن 3,9 مىڭ تەڭگە، ال شەكارادا راسىمدەگەن جاعدايدا 7,6 مىڭ تەڭگە تولەۋ قاجەت بولۋى مۇمكىن ەكەنىن ەسكەرتتى.
25 تامىزدان باستاپ شەتەلدىكتەرگە قازاقستانعا كىرۋ ءۇشىن QazETA ەلەكتروندى رۇقساتى ەنگىزىلە باستادى.
جۇيە 1 قاراشاعا دەيىن تەست رەجيمىندە جۇمىس ىستەيدى. وسىدان كەيىن رۇقسات اۋە كولىگىمەن كىرەتىندەر ءۇشىن مىندەتتى بولادى. 15 قاراشادان باستاپ تالاپ اۆتوكولىكپەن كىرەتىندەرگە، ال 30 جەلتوقساننان باستاپ تەمىرجول جانە پورت ارقىلى كەلەتىندەرگە دە قاتىستى بولادى.
قازاقستان ءىىم ازىرگە رۇقساتتىڭ ناقتى قۇنى مەن قاي ەلدەردىڭ ازاماتتارىنا مىندەتتى بولاتىنىن جاريالاعان جوق.
ۇقساس جاڭالىقتار
