قىرعىزستان پرەزيدەنتى قازاقستاندىق كاسىپكەردى ءوزىنىڭ كەڭەسشىسى ەتىپ تاعايىندادى

4573
Adyrna.kz Telegram

قىرعىزستان پرەزيدەنتى سادىر جاپاروۆ قازاقستاندىق كاسىپكەر جانە ونەركاسىپشى الماز يبراگيموۆتى ەرىكتى تۇردە ءوزىنىڭ كەڭەسشىسى ەتىپ تاعايىندادى، دەپ حابارلايدى "ادىرنا" ۇلتتىق پورتالى قىرعىزستان پرەزيدەنتىنىڭ سايتىنا سىلتەمە جاساپ.

الماز يبراگيموۆ - قىرعىز كسر ىستىقكول وبلىسىنىڭ تۋماسى، كوپتەگەن جىلدار بويى قازاقستاننىڭ ءىرى وندىرىستىك كاسىپورىندارىنىڭ توپ-مەنەدجەرى بولدى.

اشىق اقپارات كوزدەرىنەن الىنعان مالىمەتتەرگە سايكەس، الماز يبراگيموۆ ءار جىلدارى قاسكەلەڭدەگى پوليمەر زاۋىتىنىڭ ديرەكتورى، پاۆلودار اليۋميني زاۋىتىنىڭ باس ديرەكتورى، «قازاقستان ءاليۋمينيى» اق پرەزيدەنتى جانە پاۆلودارداعى قازاقستان ەلەكتروليز زاۋىتىنىڭ پرەزيدەنتى بولعان.

قازاقستان ەكونوميكاسىن دامىتۋعا قوسقان ۇلەسى ءۇشىن الماز يبراگيموۆ «قۇرمەت» جانە «وتان» وردەندەرىمەن ماراپاتتالدى، ول سونىمەن بىرگە 1 جانە 3 دارەجەلى «بارىس» وردەنىنىڭ جانە ءۇش دۇركىن «ەڭبەك داڭقى» بەلگىسىنىڭ يەگەرى. قازاقستان مينەرالدى رەسۋرستار اكادەمياسىنىڭ قۇرمەتتى اكادەميگى جانە س.تورايعىروۆ اتىنداعى پاۆلودار مەملەكەتتىك ۋنيۆەرسيتەتىنىڭ قۇرمەتتى پروفەسسورى اتاعىنا يە.

"ادىرنا" ۇلتتىق پورتالى

(فوتو holanews)

پىكىرلەر