Qyrǵyzstan prezıdenti qazaqstandyq kásipkerdi óziniń keńesshisi etip taǵaıyndady

4576
Adyrna.kz Telegram

Qyrǵyzstan Prezıdenti Sadyr Japarov qazaqstandyq kásipker jáne ónerkásipshi Almaz Ibragımovty erikti túrde óziniń keńesshisi etip taǵaıyndady, dep habarlaıdy "Adyrna" ulttyq portaly Qyrǵyzstan Prezıdentiniń saıtyna silteme jasap.

Almaz Ibragımov - Qyrǵyz KSR Ystyqkól oblysynyń týmasy, kóptegen jyldar boıy Qazaqstannyń iri óndiristik kásiporyndarynyń top-menedjeri boldy.

Ashyq aqparat kózderinen alynǵan málimetterge sáıkes, Almaz Ibragımov ár jyldary Qaskeleńdegi Polımer zaýytynyń dırektory, Pavlodar alıýmınıı zaýytynyń bas dırektory, «Qazaqstan alıýmınııi» AQ prezıdenti jáne Pavlodardaǵy Qazaqstan elektrolız zaýytynyń prezıdenti bolǵan.

Qazaqstan ekonomıkasyn damytýǵa qosqan úlesi úshin Almaz Ibragımov «Qurmet» jáne «Otan» ordenderimen marapattaldy, ol sonymen birge 1 jáne 3 dárejeli «Barys» ordeniniń jáne úsh dúrkin «Eńbek dańqy» belgisiniń ıegeri. Qazaqstan mıneraldy resýrstar akademııasynyń qurmetti akademıgi jáne S.Toraıǵyrov atyndaǵy Pavlodar memlekettik ýnıversıtetiniń qurmetti professory ataǵyna ıe.

"Adyrna" ulttyq portaly

(foto holanews)

Pikirler