13-jeltoqsanǵa qaraǵan túni eldiń ońtústik jáne ortalyq óńirlerinde jylý qubyrlary jarylyp, halyq sýsyz qalyp, apatty jaǵdaılarǵa tap boldy, dep habarlaıdy "Adyrna" portaly.
Ótken táýlikte qutqarýshylar eldiń búkil óńirinde 311 márte halyqqa kómekke kelgen.
Jalpy sany 147 adam qutqarylyp, evakýaııalandy, onyń ishinde 13 bala bar.
Qaraǵandy oblysy
«Vechernıaıa Karaganda» resýrsynyń málimetinshe, Qaraǵandy oblysynyń Saran qalasynda gaz ballony jarylǵan. Jer úıdiń ıesi qatyp qalǵan ballondy jylyna bersin dep peshtiń janyna qoıyp ketken. Saldarynan gaz jarylyp, úı turýǵa jaramsyz kúıge túsken.
Al Temirtaýda mamandar qatyp qalǵan sý qubyryn jóndep jatyr. Keshe túnde dıametri 300 mm bolatyn magıstral qatyp qalǵan.
«Temirtaýda sý qubyry qatyp qaldy. Qalanyń shyǵys bóligi aýyz sýsyz qaldy. Bul birneshe bloktar, ishinara Abaı jáne Chaıkovskıı kósheleri, 21 mektep, 3 qalalyq aýrýhana, balalar aýrýhanasy, 1 emhana, Áýbákirov atyndaǵy gımnazııa da aýyz sýsyz otyr. Jumysshylar brıgadalary qazir qubyrlardy jedel túrde jylytýda. Turǵyndar aýyz sýdyń joqtyǵyn aıtyp shaǵymdanýda. Dúkenderdegi bótelkelerdegi sýlar da satylyp ketti», - delingen habarlamada.
Jambyl oblysy
13-jeltoqsanǵa qaraǵan túni Jambyl oblysynda magıstraldy gaz qubyry jarylyp, 5 eldi mekendegi 980 úı jylýsyz qaldy.
Naqtylar bolsaq, Jambyl oblysyndaǵy Qyzylqaınar, Jasórken, Jalpaqtóbe, Qyzyldıhan, Grodekovo aýyldarynyń turǵyndary gazsyz qaldy.
Sondaı-aq, Jambyl oblysynda da qar qursaýynda qalǵan baqtashylar aman-esen tabyldy
12 jeltoqsany kúni saǵat 00:24 shamasynda polıııa bólimine Shý aýdany Kókqaınar aýylynan 15 shaqyrym jerde sharýa qojalyqtardyń birinen 2 malshysy adasyp, joǵalyp ketkeni týraly habar túsken bolatyn.
Polıııa qyzmetkerleri, aýdan ákimdigi men tótenshe jaǵdaı mamandary, jergilikti turǵyndar arnaıy tehnıkanyń kómegimen iz kesýge shyqqan.
«Jedel-izdestirý jumystarynyń nátıjesinde túngi saǵat 3:00 kezinde malshylar jáne qaraýyndaǵy maldary aman-esen tabyldy. Qutqarylǵan azamattardyń jaǵdaıy birqalypty, medıınalyq kómekti qajet etpedi», — dedi Shý aýdany polıııa bóliminiń bastyǵy polıııa podpolkovnıgi Dinmuhambet Qoıtórıev.
Túrkistan oblysy
Ótken túnde Túrkistan oblysynda qatty aıazdan joldar jabylyp, búgin mektepter qashyqtan oqýǵa kóshti.
Oblystyń taýly aımaqtarynda burqasyn jel bastalyp, kún raıy kúrt ózgergen.
Báıdibek pen Túlkibas aýdandaryn baılanystyratyn jol, «Batys-Eýropa-Batys-Qytaı» trassasy, Qoshqarata-Jaryqbas-Birlik, Shaıan-Aǵybet-Shaqpaq, Kóksáıek-Aqsý-Myńbulaq baǵytyndaǵy joldar jabylǵan.
«Tártip saqshylary turǵyndardyń qaýipsizdigi úshin úzdiksiz qyzmetti jalǵastyrady jáne turǵyndarǵa uzaq jolǵa shyqpaýǵa keńes beredi», — delingen Túrkistan oblysy polıııa departamentiniń baspasóz qyzmeti taratqan aqparatta.
Qyzylorda oblysy
Qyzylorda oblysynda borandy kúni mal izdeýge shyqqan 16 jasar jasóspirim joǵalyp, aman tabyldy.
Óńirde 11 jeltoqsan kúni aýa raıy kúrt ózgerip, 25 gradýsqa deıin sýytqan.
Sol kúni kúndizgi saǵat 10:00 shamasynda 46 jastaǵy azamat 16 jasar ulymen birge Jalaǵash aýdanyna qarasty Jańadarııa aýylynan 20 shaqyrym qashyqtyqta ornalasqan Aqshoqy ýchaskesinde fazendadan eki jaqqa bólinip, mal izdeýge shyqqan.
Saǵat 14:00 shamasynda ákesi fazendaǵa qaıta oralyp, balasynyń fazendaǵa áli kelmegenin biledi. Alǵashqyda avtokólikpen ulyn izdeýge ózi shyǵady. Áreketi sátsiz bolyp, ol polıııaǵa júginýge májbúr bolǵan.
Jasóspirimdi izdestirýge Jalaǵash aýdandyq polıııa bóliminiń jeke quramy dereý jumyldyryldy.
Polıeıler, tótenshe jaǵdaı departamentiniń qyzmetkerleri, aýyl turǵyndary men eriktilerden arnaıy top quryldy.
Aýdannyń barlyq aýyly, dalalyq joldar túgel qamtyldy. Izdestirý sharalarynyń nátıjesinde joǵalǵan bala túngi saǵat 2:00–de Jalaǵash aýdany Jańadarııa aýylyna qarasty dalalyq jerden soltústikke qaraı 20 shaqyrym jerden tabyldy.
Almaty qalasy
Almatyda qatty aıazdyń áserinen qoǵamdyq kólikter syr berip jatyr. Sýyqtan týyndaǵan tehnıkalyq aqaý saldarynan birneshe avtobýs marshrýttan alynǵan.
Ákimdik marshýrttyq avtobýstardyń keshigýine joldaǵy kólik tyǵyny da áser etip jatqanyn málimdep otyr.
Aqmola oblysy
Sondaı-aq búgin túnde Aqmola oblysynda 31 sheteldik mingen avtobýs buzylyp, jolaýshylar qar qursaýynda qaldy.
Astana-Petropavl tasjolynda buzylǵan avtobýstan 31 sheteldik evakýaııalandy. Onyń bári — Tájikstan azamattary, ishinde eki bala bar.
Evakýaııalanǵan adamdar Kókshetaý qalasyndaǵy jylý pýnktine jetkizildi.
Esterińizge sala keteıik, buǵan deıin 9 jeltoqsanda qutqarýshylar 28 sheteldikti evakýaııalaǵan edi.
