كوفە+ليمون: جاڭا ءتاسىل ارقىلى قالاي ارىقتاۋعا بولادى؟

6948
Adyrna.kz Telegram

ارىقتاۋعا ارنالعان جاڭا رەتسەپت ليمون كوفەسى - الەمنىڭ جەتەكشى ديەتولوگتارى ازىرلەگەن ەرەكشە ديەتالىق ءونىم. دۇرىسى، ونىڭ اتاۋى «ارىقتاۋعا ارنالعان فيتنەس-ليمون كوفەسى»، ال سۋسىننىڭ ءوزى كەز كەلگەن ديەتا مەن سپورتقا قوسپا رەتىندە كىرەدى. بۇگىندە جۇرتتىڭ اۋزىندا جۇرگەن جاڭا قوسپا، راسىندا ارىقتاۋعا كومەكتەسە مە؟

ءونىمنىڭ قۇرامى

ونىمدە تاۋرين، ليمون، الما، اكتينيديا، جۇگەرى ۇنتاعى، ە دارۋمەنى، س ءۆيتامينى، ۆ دارۋمەنى، قورەكتىك تالشىقتار، سويا، قارا كوفە سياقتى نەگىزگى كومپونەنتتەر بار.

«ارىقتاۋعا ارنالعان فيتنەس-ليمون كوفەسى» ءتىپتى ارنايى قاڭىلتىر بانكادا ارقايسىسىندا 10 گ 26 پاكەتتەن تۇراتىن قاپتامامەن دە ساتىلادى.

قالاي اسەر ەتەدى؟

ءونىمنىڭ قاپتاماسىندا ادام سالماعىنىڭ وزگەرۋىنە بۇل قوسپانىڭ تيىمدىلىگىن دالەلدەيتىن كلينيكالىق سىناقتار جۇرگىزىلگەنى جازىلعان. وسىلايشا، بۇل ىستىق سۋسىندى كۇن سايىن تۇتىنۋ ارقىلى ادام بىرتە-بىرتە جانە اۋىرتپالىقسىز ارتىق سالماقتارىن جوعالتۋى مۇمكىن. بۇل پرەپاراتتىڭ نەگىزگى فۋنكتسيالارى ورگانيزمنەن توكسيندەر مەن مايلاردى جويۋ، ترانس مايلارىنىڭ ىدىراۋى، مەتابوليزمدى قالىپقا كەلتىرۋ بولىپ تابىلادى.

ونى ارتىق سالماعى بار، ءارتۇرلى دارەجەدەگى سەمىزدىكپەن اۋىراتىن ادامدارعا، سونداي-اق قوسىمشا سالماق جيناۋدىڭ الدىن الۋ شاراسى رەتىندە پايدالانۋعا ۇسىنىلادى. سۋسىندى كۇندەلىكتى تاماقتانۋدان 30 مينۋت بۇرىن، ءلاجى بولسا تاڭەرتەڭ ءىشۋ كەرەك. قاپتاما دامىنە قاراي ىستىق سۋمەن ۇسىنىلادى. تەك قاپتاماداعى ارنايى قوسپاسىز-اق، ءوزىڭىز ءۇي جاعدايىندا كەز كەلگەن كوفەگە ليمون سىعىندىسىن قوسىپ وزىڭىزشە تۇتىنا بەرسەڭىز بولادى.

قارسى كورسەتكىشتەر

14 جاسقا دەيىنگى بالالار، بالا ەمىزەتىن جانە جۇكتى ايەلدەر قولدانۋىنا بولمايدى.

كوفەنىڭ كومەگىمەن سالماق جوعالتۋدىڭ ەرەكشەلىكتەرى

بۇل ءونىمدى ديەتولوگتار ماقۇلداعانىنا جانە سالماق جوعالتۋعا شىنىمەن كومەكتەسەتىنىنە قاراماستان، ءسىز تەك «ارىقتاۋعا ارنالعان فيتنەس-ليمون كوفەسى» مايلى شوگىندىلەردى جەڭە المايتىنىن ەستە ساقتاۋىڭىز كەرەك. ادامدار سەمىزدىكتىڭ بارلىق ماسەلەلەرىن باسقا ەشتەڭە جاساماي-اق شەشەتىن پاناتسەيا تابۋعا ۇمىتتەنەدى. دەگەنمەن، ءسىز ءوزىڭىزدى يلليۋزيامەن الداۋدىڭ قاجەتى جوق - بۇل ءىس جۇزىندە مۇمكىن ەمەس. تەك ءبىر سۋسىننىڭ كۇشىنە سەنىپ، ارىقتايمىن دەگەن جاڭساق پىكىردى ويلاماعانىڭىز ابزال.

راسىمەن سالماق جوعالتۋ ءۇشىن ءسىزدىڭ دەنەڭىزدىڭ ەرەكشەلىكتەرى تۋرالى بىلە وتىرىپ، دارىگەر دۇرىس تاعايىنداي الاتىن ارنايى تاعام ديەتاسىنا وتىرۋ كەرەك. ويتكەنى، كوپتەگەن ديەتالار، اسىرەسە جىلدام مونو-ديەتالار دايىن ەمەس ادامنىڭ اعزاسىنا زيان تيگىزۋى مۇمكىن. ديەتولوگ سىزگە ديەتانى جازىپ بەرەدى جانە ديەتانىڭ ناتيجەسىندە ءسىز سالماق جوعالتىپ قانا قويماي، دەنساۋلىعىڭىزدى جاقسارتاتىن تاعامدار ءتىزىمىن بەرەدى.

جاتتىعۋ - سالماق جوعالتۋدىڭ تاعى ءبىر ماڭىزدى اسپەكتىسى. بۇل شىن مانىندە جاڭالىق ەمەس، بىراق ادەمى، نازىك، جىڭىشكە دەنەگە يە بولعىڭىز كەلسە - وزىڭىزگە ۇنايتىن كەز كەلگەن سپورت تۇرىمەن اينالىسىڭىز.

"ادىرنا" ۇلتتىق پورتالى

پىكىرلەر