ماڭعىستاۋ وبلىسىندا "نۇر كاپيتال" باعدارلاماسى اياسىندا 4 جوبا جۇزەگە اسىرىلادى

2231
Adyrna.kz Telegram

بۇگىن وبلىس اكىمى نۇرلان نوعاەۆتىڭ توراعالىعىمەن ماڭعىستاۋ وبلىسىندا بيزنەستى قولداۋ مەن دامىتۋدىڭ مەملەكەتتىك جانە وڭىرلىك باعدارلاماسىن ىسكە اسىرۋ اياسىندا جوبالاردى قاراۋ جونىندەگى وڭىرلىك ۇيلەستىرۋ كەڭەسىنىڭ وتىرىسى ءوتتى دەپ حابارلايدى "ادىرنا" ۇلتتىق پورتالى ماڭعىستاۋ وبلىسى اكىمىنىڭ ءباسپاسوز قىزمەتىنە سىلتەمە جاساپ.

كوميسسيا وتىرىسىندا "نۇر كاپيتال" باعدارلاماسى اياسىندا 1% نەسيەمەن قارجىلاندىرىلاتىن 4 جوبا قارالدى.

ءبىرىنشى جوبادا كاسىپكەر تۇپقاراعان اۋدانى، اقشۇقىر اۋىلىنان جىلىجاي سالىپ، 500 توننا قيار، 500 توننا قىزاناق ءوسىرۋدى جوسپارلاپ وتىر. جوبا وبلىس تۇرعىندارىنىڭ قىزاناققا 10,4% جانە قيارعا 8,2% قاجەتتىلىگىن وتەۋگە اسەر ەتەدى.

ەكىنشى جوبادا قاراقيا اۋدانىنىڭ كاسىپكەرى جول بويىندا جولاۋشىلارعا جايلى قىزمەت كورسەتۋ ماقساتىندا حوستەل سالۋدى كوزدەيدى. جوبا بويىنشا حوستەلدىڭ جالپى اۋماعى 400 شارشى مەتر.

ءۇشىنشى جوبادا مۇنايلى اۋدانىنىڭ تۇرعىنى جەكە شارۋا قوجالىعىندا ءىرى قارا مال بورداقىلاۋ ارقىلى ەت ونىمدەرىن ءوندىرۋ ءۇشىن جەڭىلدەتىلگەن نەسيە سۇرادى. كاسىپكەر 40 باس سيىر مەن 40 باس جىلقى ساتىپ الىپ، سەمىرتىپ نارىقتاعىدان تومەن باعامەن ەت ساتۋدى جوسپارلاپ وتىر.

ءتورتىنشى جوبادا جەكە كاسىپكەر كوميسسيا مۇشەلەرىنە جاڭاوزەن قالاسىنان «رەپەتيتورلىق ورتالىق اشۋ» جوباسىن ۇسىندى. ورتالىق العاش اشىلعان كەزدە 3 ادام تۇراقتى جۇمىسپەن قامتىلادى.

كوميسسيا مۇشەلەرىنىڭ شەشىمىمەن 4 جوبا دا ماقۇلداندى.

ايتا كەتسەك، "نۇر كاپيتال" وڭىرلىك باعدارلاماسى اياسىندا جەڭىلدەتىلگەن نەسيە الۋ ءۇشىن كاسىپكەر ەكىنشى دەڭگەيلى بانكتەن 8,5% - بەن نەسيە الادى، ونىڭ 7,5% - ىن مەملەكەت "كاسپي "اكك" اق ارقىلى سۋبسيديالايدى. ناتيجەسىندە كاسىپكەر نەسيە بويىنشا پايىزدىق مولشەرلەمەنى 1%-بەن تولەيدى. نەسيە مولشەرڭ — 30 ملن تەڭگە. سۋبسيديالاۋ مەرزىمى — 5 جىلعا دەيىن.

 

"ادىرنا" ۇلتتىق پورتالى

پىكىرلەر