Bügın oblys äkımı Nūrlan Noǧaevtyŋ töraǧalyǧymen Maŋǧystau oblysynda biznestı qoldau men damytudyŋ memlekettık jäne öŋırlık baǧdarlamasyn ıske asyru aiasynda jobalardy qarau jönındegı öŋırlık üilestıru keŋesınıŋ otyrysy öttı dep habarlaidy "Adyrna" ūlttyq portaly Maŋǧystau oblysy äkımınıŋ baspasöz qyzmetıne sılteme jasap.
Komissiia otyrysynda "Nūr kapital" baǧdarlamasy aiasynda 1% nesiemen qarjylandyrylatyn 4 joba qaraldy.
Bırınşı jobada käsıpker Tüpqaraǧan audany, Aqşūqyr auylynan jylyjai salyp, 500 tonna qiiar, 500 tonna qyzanaq ösırudı josparlap otyr. Joba oblys tūrǧyndarynyŋ qyzanaqqa 10,4% jäne qiiarǧa 8,2% qajettılıgın öteuge äser etedı.Ekınşı jobada Qaraqiia audanynyŋ käsıpkerı jol boiynda jolauşylarǧa jaily qyzmet körsetu maqsatynda hostel saludy közdeidı. Joba boiynşa hosteldıŋ jalpy aumaǧy 400 şarşy metr.
Üşınşı jobada Mūnaily audanynyŋ tūrǧyny jeke şarua qojalyǧynda ırı qara mal bordaqylau arqyly et önımderın öndıru üşın jeŋıldetılgen nesie sūrady. Käsıpker 40 bas siyr men 40 bas jylqy satyp alyp, semırtıp naryqtaǧydan tömen baǧamen et satudy josparlap otyr.Törtınşı jobada jeke käsıpker komissiia müşelerıne Jaŋaözen qalasynan «Repetitorlyq ortalyq aşu» jobasyn ūsyndy. Ortalyq alǧaş aşylǧan kezde 3 adam tūraqty jūmyspen qamtylady.
Komissiia müşelerınıŋ şeşımımen 4 joba da maqūldandy.Aita ketsek, "Nūr Kapital" öŋırlık baǧdarlamasy aiasynda jeŋıldetılgen nesie alu üşın käsıpker ekınşı deŋgeilı bankten 8,5% - ben nesie alady, onyŋ 7,5% - yn memleket "Kaspii "ÄKK" AQ arqyly subsidiialaidy. Nätijesınde käsıpker nesie boiynşa paiyzdyq mölşerlemenı 1%-ben töleidı. Nesie mölşerŋ — 30 mln teŋge. Subsidiialau merzımı — 5 jylǧa deiın.
"Adyrna" ūlttyq portaly
