Bügın, 25 jeltoqsan künı Astanada qalalyq jedel medisinalyq järdem stansiiasynyŋ bazasynda qyzmettık boryşyn oryndau kezınde qaza tapqan feldşer Ūldana Myrzuandy eske aluǧa arnalǧan memorialdyq taqtanyŋ aşylu saltanaty öttı. Būl turaly Densaulyq saqtau ministrı Aqmaral Älnazarova aitty, dep habarlaidy «Adyrna» tılşısı.
«Bız Ūldananyŋ jadyna basymyzdy iemız. Onyŋ äreketı - şynaiy batyldyqtyŋ, adaldyqtyŋ jäne joǧary bılıktılıktıŋ mysaly. Ūldana turaly estelık ol oqyǧan medisinalyq kolledjdıŋ qabyrǧasynda saqtalady. Auditoriialardyŋ bırıne onyŋ esımı berıledı. Būl tek Qūrmet belgısı retınde ǧana emes, sonymen qatar därıgerlerdıŋ bolaşaq ūrpaqtary üşın etalon retınde de maŋyzdy — adamdarǧa jäne taŋdalǧan mamandyqqa qyzmet etudıŋ mysaly»,-dedı ol.
Ministr kolledjdı üzdık bıtırgennen keiın Ūldananyŋ tört jyl boiy elordalyq jedel järdem qyzmetınde feldşer bolyp jūmys ıstegenın atap öttı.
«Osy uaqyt ışınde ol ärıptesterınıŋ şynaiy qūrmetıne jäne pasientterdıŋ rizaşylyǧyna ie boldy. Memleket basşysynyŋ Jarlyǧymen qyzmettık boryşyn ülgılı oryndaǧany, tötenşe jaǧdaida körsetken batyrlyǧy men qaisarlyǧy üşın Ūldana Qaldarhanqyzy Myrzuan «Erlıgı üşın» medalımen marapattalǧanyn esterıŋızge sala ketkım keledı»,-dep tolyqtyrdy Älnazarova.
Eske salaiyq, 23 jastaǧy feldşer Ūldana Myrzuan 18 qaraşada alǧan auyr jaraqattary saldarynan qaitys bolǧan edı.
