Astana–Almaty baǧytyndaǧy KC622 reisınde bır jolauşynyŋ densaulyǧy kürt naşarlap, bortta tötenşe jaǧdai boldy, dep habarlaidy "Adyrna" ūlttyq portaly.
Oqiǧa turaly osy ūşaqta bolǧan qazaqstandyq Threads platformasynda jazba jariialaǧan. Jazbada:
"Ūşaq ūşuǧa daiyndalyp jatqan. Kenet “Stiuardessa! Stiuardessa! Qyzǧa jaman bolyp kettı, därıger kerek!” dedı", – dep jazdy kuäger.
Aituynşa, özın jaisyz sezıngen jolauşyǧa jedel türde bortta otyrǧan äiel kelıp kömek körsetken. Jelı qoldanuşylary kömek körsetken densaulyq saqtau ministrı Aqmaral Älnazarova ekenın jazǧan.
Ol qyzdyŋ qan qysymyn ölşep, onyŋ öte joǧary ekenın anyqtaǧan. Osy uaqytta stiuardessalar salfetka, paket jäne su äkelıp, qajettı kömektı ūiymdastyruǧa tyrysqan. Qyzdy jürek ainu mazalaǧan.
Jolauşyǧa därı, su jäne şai berılgennen keiın onyŋ jaǧdaiy bırşama jaqsarǧan. Stiuardessa kömek körsetıp jatqan äielden: "Sız därıgersız be, älde bırge kele jatqan adamsyz ba?" dep sūraǧanda, ol jai ǧana "Därıger" dep jauap bergen.
Ūşaq ekipajy qyzdyŋ özın qalai sezınetının sūrap, onyŋ ärı qarai ūşuǧa daiyn ekenın rastaǧannan keiın reis öz kestesımen jalǧasty.
