“Densaulyqqa kerı äser etken joq”. Ministr jaŋa uaqytqa qatysty pıkır bıldırdı

2199
Adyrna.kz Telegram
https://adyrna.kz/content/uploads/2023/10/chasy_335246a709-960x500.jpeg?token=1a667b94f52be44a84afa8ed71f22bf9
Densaulyq saqtau ministrı Qazaqstanda jaŋa uaqyttyŋ halyqqa äserı turaly aitty, dep habarlaidy “Adyrna” ūlttyq portaly kursiv.media-ǧa sıltep. Ministr Aqmaral Älnazarova üş ai būryn auysqan bıryŋǧai uaqyt beldeuınıŋ qazaqstandyqtardyŋ densaulyǧyna äserı turaly sūraqqa jauap berdı. «Sız «Jaŋa uaqyt beldeuı halyqtyŋ densaulyǧyna oŋ äser etedı dep esepteimın» degen bolatynsyz. Bıraq būrynǧy uaqyt beldeuın qaitaru üşın petisiiaǧa qol qoiyp jatqan azamattar bar. Mysaly, Şyǧys Qazaqstan oblysyndaǧy tūrǧyndardy aituǧa bolady. Onda uaqyt beldeuınıŋ özgeruıne bailanysty tūrǧyndarǧa psihologiialyq, fizikalyq jükteme tüsken. «Erterek tūratyn boldyq, ūiqymyz qanbaidy, jūmysymyz önbeidı» dep tūrǧyndar şaǧymdanyp jatyr. Sızdıŋ qazırgı oiyŋyz qandai?», - dep BAQ ökılı Ükımette ötken baspasöz mäslihatynda ministrge saual joldaǧan. Densaulyq ministrı Älnazarova bıryŋǧai uaqyt beldeuıne köşu ǧylymi derekterden keiıngı şeşım bolǧanyn aitady. Ministr jaŋa uaqyttyŋ tūrǧyndar densaulyǧyna eşqandai kerı äserı bolmaǧan dep esepteitının de atap öttı. «Negızı saǧat beldeuı mäselesı bırneşe jyldan berı talqylandy. Būl jūmysqa elımızdegı ǧylymi ortalyqtar tartyldy. Mysaly, fiziologiia instituty, Fesenkov atyndaǧy astrofizika instituty. Sondyqtan būl şeşım ǧylymi derekterge süiene otyryp qabyldandy. Ekınşıden, saǧat beldeuı özgergennen keiın emhanalar men auruhanalarǧa nauqastardyŋ aitarlyqtai tüsıp jatqanyn baiqap otyrǧan joqpyz. Bügıngı taŋda densaulyqqa kerı äser etken joq dep aituǧa negız bar», - dep jauap berdı ministr. Eske sala keteiık, 7 mausym künı jaŋa uaqyt beldeuıne bailanysty petisiiaǧa 50 000 adam qol qoiǧany turaly jazǧan edık.
Pıkırler