الماتىدا مۇقاعالي ماقاتاەۆتىڭ قۇرمەتىنە ارنالعان مۋرال پايدا بولدى

3572
Adyrna.kz Telegram

الماتىدا قازاقتىڭ بەلگىلى جازۋشىسى مۇقاعالي ماقاتاەۆتىڭ قۇرمەتىنە ارنالعان مۋرال پايدا بولدى، - دەپ حابارلايدى “ادىرنا” ۇلتتىق پورتالى Tengrinews.kz سايتىنا سىلتەمە جاساپ. 

مۋرالدىڭ اشىلۋى اقىننىڭ 90 جىلدىعى مەن قازاقستان تاۋەلسىزدىگىنىڭ 30 جىلدىعىنا ورايلاستىرىلعان. ارت-جوبا ماقاتاەۆ پەن ءشارىپوۆ كوشەلەرىنىڭ قيىلىسىندا ورنالاسقان تۇرعىن ءۇيدىڭ قاسبەتىنە سالىنعان. جوبا اۆتورلارى - نۇربولات امانقۇل مەن اباي سۇلتان.

شارانى ۇيىمداستىرۋشىلاردىڭ ايتۋىنشا، سۋرەتتى سالۋعا شامامەن 5 كۇن، ال قابىرعانى دايىنداۋعا ءبىر اپتا ۋاقىت كەتكەن. بۇل رەتتە سۋرەتشىلەر 50 ليتر بوياۋ مەن 100 اەروزول قۇتىسىن جۇمساعان. قابىرعانىڭ كولەمى شامامەن 190 شارشى مەتر.

مۋرالدىڭ اشىلۋىنا اقىننىڭ ۇلى مەن كەلىنى جۇلدىز ماقاتاەۆ پەن باقىتكۇل ايداروۆا، "قازاقفيلم" كينوستۋدياسىنىڭ ۆيتسە-پرەزيدەنتى ايدارحان ادىلباەۆ، سونداي-اق 21 قازاندا جارىققا شىققان "مۇقاعالي" ءفيلمىنىڭ ءتۇسىرۋ توبى قاتىستى.

“ادىرنا” ۇلتتىق پورتالى

پىكىرلەر