ادەت-عۇرىپ جانە سالت ءداستۇر ورتالىعى تاۋەلسىزدىكتىڭ 30 جىلدىعى اياسىندا «سىرماق شەرتكەن سىر» اتتى شەبەرلىك ساعات وتكىزدى.
ءىس-شارانىڭ ماقساتى ۇمىت بولا باستاعان كونە داستۇرلەردى جاڭعىرتۋ، جۇننەن جاسالاتىن بۇيىم تۇرلەرىن، كيىز باسۋ ونەرىن كەڭىنەن ناسيحاتتاۋ.
شەبەرلىك ساعاتتا قالا تۇرعىندارىنا ۇمىت بولا باستاعان قولونەرىمىز - ءجۇن ساباۋ، ءجۇن بوياۋ، شۇيكەلەۋ، كيىز باسۋدىڭ قىر-سىرى كورسەتىلدى.
شەبەرلىك ساعاتتىڭ ءبىرىنشى كۇنىندە اجەلەرىمىز ءجۇن ساباۋ، ءجۇن بوياۋ، شۇيكەلەۋدىڭ ءادىس-تاسىلدەرىمەن ءبولىستى. شاراعا مادەنيەت مەكەمەلەرى، “ۇكىلى”، “كوركەم”، “اقتىلەك” اجەلەر توبى، مەكتەپ وقۋشىلارى قاتىستى. شارا ەكى كۇنگە ۇلاسادى.
«ادىرنا» ۇلتتىق پورتالى
