سينوپتيكتەر قازاقستان ايماقتارىندا 2018 جىلعى 5 اقپاندا بولاتىن ەرەكشە مەتەورولوگيالىق قۇبىلىستار جايلى ايتتى، - دەپ حابارلايدى "قازگيدرومەت".
اتموسفەرالىق فرونتتاردىڭ وتۋىنە بايلانىستى قازاقستاننىڭ باسىم بولىگىندە قار جاۋىپ، بۇرقاسىن كۇتىلەدى، تەك وڭتۇستىك-باتىستا، وڭتۇستىكتە، سولتۇستىكتە، سولتۇستىك- باتىستا اۋا رايى جاۋىن-شاشىنسىز بولادى. كەي جەرلەردە تۇمان، كوكتايعاق، جەلدىڭ كۇشەيۋى كۇتىلەدى.
"جامبىل، تۇندە الماتى وبلىستارىنىڭ كەي جەرلەرىندە تۇمان، كوكتايعاق كۇتىلەدى. باتىس قازاقستان، اتىراۋ وبلىستارىنىڭ كەي جەرلەرىندە كوكتايعاق، بۇرقاسىن جانە جەل 15-23 م/س كۇشەيۋى ساقتالادى. شىعىس قازاقستان. وبلىسىنىڭ كەي جەرلەرىندە جەل سەكۋندىنا 15-20 مەتر بۇرقاسىنمەن كۇشەيەدى. قىزىلوردا، قوستاناي، اقمولا، سولتۇستىك قازاقستان، پاۆلودار، قاراعاندى وبلىستارىنىڭ كەي جەرلەرىندە تۇمان كۇتىلەدى. اقتوبە وبلىسىنىڭ كەي جەرلەرىندە تۇمان، جەلدىڭ جىلدامدىعى سەكۋندىنا 18 مەتر كۇتىلەدى. ماڭعىستاۋ وبلىسىنىڭ كەي جەرلەرىندە جەل سەكۋندىنا 15-20 مەتر كۇشەيەدى", - دەلىنگەن حابارلامادا.
tengrinews.kz
