Sınoptıkter Qazaqstan aımaqtarynda 2018 jylǵy 5 aqpanda bolatyn erekshe meteorologııalyq qubylystar jaıly aıtty, - dep habarlaıdy "Qazgıdromet".
Atmosferalyq fronttardyń ótýine baılanysty Qazaqstannyń basym bóliginde qar jaýyp, burqasyn kútiledi, tek ońtústik-batysta, ońtústikte, soltústikte, soltústik- batysta aýa raıy jaýyn-shashynsyz bolady. Keı jerlerde tuman, kóktaıǵaq, jeldiń kúsheıýi kútiledi.
"Jambyl, túnde Almaty oblystarynyń keı jerlerinde tuman, kóktaıǵaq kútiledi. Batys Qazaqstan, Atyraý oblystarynyń keı jerlerinde kóktaıǵaq, burqasyn jáne jel 15-23 m/s kúsheıýi saqtalady. Shyǵys Qazaqstan. oblysynyń keı jerlerinde jel sekýndyna 15-20 metr burqasynmen kúsheıedi. Qyzylorda, Qostanaı, Aqmola, Soltústik Qazaqstan, Pavlodar, Qaraǵandy oblystarynyń keı jerlerinde tuman kútiledi. Aqtóbe oblysynyń keı jerlerinde tuman, jeldiń jyldamdyǵy sekýndyna 18 metr kútiledi. Mańǵystaý oblysynyń keı jerlerinde jel sekýndyna 15-20 metr kúsheıedi", - delingen habarlamada.
tengrinews.kz
