قازاق ەشۋاقىتتا كوشپەندى بولعان ەمەس، قازاق - وتىرىقشى!

7787
Adyrna.kz Telegram

قازاق ەشۋاقىتتا كوشپەندى بولعان ەمەس، قازاق - وتىرىقشى. ول سىعاندار سەكiلدi بiر ەلدەن ەكىنشى ەلگە كوشىپ جۇرگەن جوق قوي. ءوز جەرىندە مالدىڭ ىڭعايىنا قاراي جاز جايلاۋىنا، قىس قىستاۋىنا قونىس اۋدارعاندى كوشپەندى دەپ وتتاپ ءجۇر.

قازاق جالقاۋ بولسا، مال باعا ما؟ مال - ونىڭ ءومىر سۇرۋدەگi ەڭ نەگىزگى كوزى. ول عاسىرلار بويى ءوزىن عانا ەمەس، كورشى ەلدەردىڭ حالقىن دا ەتپەن قامتاماسىز ەتiپ كەلدى. مالدى ءوسiرۋi, ەگiن سالۋ، بالىقتى اۋلاۋ جالقاۋدىڭ قولىنان كەلە مە؟ ونى وڭاي دەپ كiم ايتا الادى؟ مالدىڭ بابىن تابۋ، جازدىق، كۇزدىك جايلاۋىن، قىستاۋىن تاڭداۋ، قاي جەرگە قالاي جايۋ، جەيتىن ءشوبىن انىقتاۋ، اۋىرعان مالدى ەمدەپ جازۋ، ايسىز، قاراڭعى تۇندە جۇلدىزدارعا قاراپ ساپار شەگۋ، قىران قۇس، تۇلپار باپتاۋ، اۋا رايىن بولجاۋ، سىرقاتتى ەمدەۋ، كوكپار تارتۋ، بايگە، كۇرەس، اسىق، اقسۇيەك تاعى باسقا ويىنداردى ويلاپ تابۋ دەگەننىڭ بiلگەن ادامعا جاتقان عالىم. ونى يگەرۋ ءۇشىن اقىل، تاجىريبە، وتە ەڭبەكقور جانداردىڭ تولاسسىز iزدەنiسi كەرەك.

قازاق كوشپەندى، جالقاۋ دەپ حالقىمىزدىڭ ءومىر ءسۇرۋ كاسىبىنەن حابارى جوق، جەڭىل ويلى اقىماق، نەمەسە ۇرپاعىمىزدىڭ جiگەرiن جاسىتۋ ءۇشىن قاسكوي ارامزانىڭ ايتا سالعان ساندىراعى. سونى جەلوكپە، تايىز نەمەرەلەر iلiپ اكەتiپ، ءالi كۇنگە دەيىن جالاۋلاتىپ ءجۇر. عاسىرلار بويى قازاقتى كiم اسىرادى، جاۋدان، داۋدان كiم قورعادى؟ ول ءوزىن ءوزى اسىرادى، ءوزىن ءوزى قورعادى. بۇل جالقاۋدىڭ قولىنان كەلە مە؟

بۇرىن بۇگىنگىدەي گاز، ەلەكتر قۋاتى، مۇناي، كومiر بولعان ەمەس. التى اي قىستان قىسىلماي شىعۋ ءۇشىن ءتورت تۇلىك مالعا قورا-جاي، ءشوپ، وتباسىنا وتىن دايىنداعان، مالدىڭ قيىنان تەزەك جاساۋدى ويلاپ تاپقان، ءتورت تۇلىكتىڭ سۇتىنەن ايران، شۇبات، قىمىز، قايماق، سارى ماي، قۇرت، iرiمشiك، جەنت ازىرلەنگەن. مۇنىڭ ءبارى اسىل تاعامدار. بابالارىمىزدىڭ iرi, اقىلدى، العىر، تاپقىر، تاباندى، باتىل، دەنساۋلىعىنىڭ مىقتى بولۋىنىڭ بiر سەبەبى وسى iشiپ-جەگەن تاعامىنا دا بايلانىستى.

قازاق جالقاۋ بولسا، وسىنشاما جەردىڭ يەسى اتانار ما ەدى، وسىنشا دانىشپاندى تاربيەلەپ، وسىرەر مە ەدى؟ بۇكىل تۇركى ەلiنiڭ قارا شاڭىراعى بولا الار ما ەدى؟

مۇحاممەد پايعامبارىمىزدىڭ ەلiندە جوق قاسيەت قازاقتا بار. ول جاقتا ەمشەك ەمبەدi دەپ اعاسىنىڭ ۇلى iنiسiنiڭ قىزىنا ۇيلەنە بەرەدى. قازاق ەكi جاستىڭ جەتى اتاعا جەتپەي تۇرمىس قۇرۋىنا قاتاڭ تيىم سالعان. تيىم سالۋعا اقىل-پاراسات، ەڭبەك كەرەك پە؟ كەرەك.

اقىل-پاراسات - ەڭبەك ەتكەن ادامدا عانا بولادى، جالقاۋدا - اقىل-پاراسات بولمايدى.

باۋىرجان مومىشۇلى،

"ادىرنا" ۇلتتىق پورتالى

پىكىرلەر