16 قاراشادا ۇلتتىق قوعامدىق سەنىم كەڭەسىنىڭ التىنشى وتىرىسى وتەدى، دەپ حابارلايدى "ادىرنا" ۇلتتىق پورتالى.
بۇل تۋرالى ۇلتتىق كەڭەس حاتشىسى ەرلان قارين Telegram-داعى پاراقشاسىندا جازدى.
- 16 قاراشادا ۇلتتىق قوعامدىق سەنىم كەڭەسىنىڭ التىنشى وتىرىسى وتەدى. وتىرىس ونلاين فورماتتا وتكىزىلەدى. وتىرىستىڭ كۇن تارتىبىندە ۇلتتىق كەڭەس شەڭبەرىندە بۇرىن بەرىلگەن پرەزيدەنت تاپسىرمالارىنىڭ ىسكە اسىرىلۋ بارىسىن، سونداي-اق قوعامدىق، الەۋمەتتىك-ەكونوميكالىق جانە وڭىرلىك دامۋ جونىندەگى ۇلتتىق كەڭەس مۇشەلەرىنىڭ ۇسىنىستارىن تالقىلاۋ جوسپارلانۋدا، دەپ جازىلعان ەرلان قاريننىڭ حابارلاماسىندا.
ايتا كەتەيىك، پرەزيدەنتتىڭ ءباسپاسوز قىزمەتى ەرتەڭ 15:00-دە Facebook الەۋمەتتىك جەلىسىندەگى AkordaPress پاراقشاسى ارقىلى ۇقسك جيىنىنان تىكەلەي كورسەتىلىم ۇيىمداستىرادى.
"ادىرنا" ۇلتتىق پورتالى