قالامىزداعى جۇمىسسىز جاستارعا ارنالعان «مۇمكىندىكتەر الاڭى» اتتى بوس جۇمىس ورىندارى جارمەڭكەسى وتپەك. اتالاعان شارا 17 قىركۇيەكتە «اربات» الاڭىندا ساعات 10:00-18:00 ارالىعىندا وتەدى.
ءىس-شارانىڭ نەگىزگى ماقساتى – ەكى قولعا ءبىر كۇرەك تاپپاي جۇرگەن ستۋدەنتتەر مەن 29 جاسقا دەيىنگى جۇمىسسىز جاستاردى جۇمىسپەن قامتۋعا كومەكتەسۋ. جارمەڭكەگە باس -اياعى 50-گە جۋىق جۇمىس بەرۋشى مەكەمەلەر قاتىسادى. ونىڭ 9000-عا جۋىعى مەديتسينالىق، تەحنيكالىق، پەداگوگيكالىق، جەڭىل ونەركاسىپ جانە قىزمەت كورسەتۋ سالالارىنىڭ وكىلدەرى.
سونداي-اق، ايتۋلى جارمەڭكەدە، جاستارعا «ەڭبەك» مەملەكەتتىك باعدارلاماسىنىڭ شەڭبەرىندە «الەۋمەتتىك جۇمىس ورىندارى»، «جاستار پراكتيكاسى»، «العاشقى جۇمىس ورنى» باعىتتارى بويىنشا اقىلى جۇمىستار دا ۇسىنىلماق.
بۇدان بولەك، ەڭبەك نارىعىندا سۇرانىسقا يە ماماندىقتارعا كاسىبي وقىتۋ كۋرستارى تۋرالى مالىمەت بەرىلەدى. سونىمەن بۇل ءىس-شارا اياسىندا قىزمەت كورسەتۋ بۇرىشتارى ورناتىلىپ، كەلۋشىلەرگە جۇمىسپەن قامتۋ ورتالىعى ماماندارىنان كەڭەس الۋ مۇمكىندىگى قاراستىرىلادى.
"ادىرنا" ۇلتتىق پورتالى
