وكپەسى 80 پايىز زاقىمدانعان ناۋقاس اۋرۋدان ايىقتى. قالا تۇرعىنى تاتيانا پاك اعىمداعى جىلدىڭ 4-ءشى تامىز كۇنى وتە اۋىر حالدە شىمكەنت قالالىق جۇقپالى اۋرۋلار ورتالىعىنا جەدەل جاردەم قىزمەتىمەن جەتكىزىلگەن بولاتىن. ناۋقاستىڭ جاعدايى اۋىر بولعاندىقتان، دارىگەرلەر ونى بىردەن جانساقتاۋ بولىمىنە جاتقىزدى.
ناۋقاستان كوروناۆيرۋس ينفەكتسياسى مەن وكپەسىنىڭ 80 پايىزى زاقىمدانعانى انىقتالعان. بۇعان قوسا پاتسيەنت وزدىگىنەن دەم الا الماعاندىقتان، جاساندى تىنىس الۋ اپپاراتىنا قوسىلعان.
1976 جىلى تۋعان قالا تۇرعىنىنا دارىگەرلەر حاتتاما بويىنشا تولىق ەمدەپ، انتيكواگۋليانتتى جانە انتيباكتەريلدىق تەراپيا بويىنشا كومەك كورسەتكەن. ءبىر ايدان اسا جانساقتاۋ بولىمىندە ەم العان ناۋقاستى دارىگەرلەر جاعدايى جاقسارعان سوڭ بولىمشەگە اۋىستىردى.
ناۋقاستىڭ قازىرگى جاعدايى جاقسى. دارىگەرلەر تىنىس الۋ جيىلىگى جاقسارعانىن ايتادى. ناۋقاسىنان ايىققان ەكى بالانىڭ اناسىن دارىگەرلەر ۇيىنە شىعاردى.
شىمكەنت قالاسى اكىمدىگىنىڭ ءباسپاسوز قىزمەتى
