سوزاق اۋدانىنىڭ اكىمى سالىحان پولاتوۆ ۋكراينا استاناسى كيەۆ قالاسىندا دجيۋ-دجيتسۋدان وتكەن الەم چەمپيوناتىندا التىن مەدال يەلەنگەن اكبار ەلۋبايۇلىن قابىلداپ، ماراپاتتادى.
– ۋكراينادا ەلىمىزدىڭ ءانۇرانىن شىرقاتتىڭ. سەنىڭ جەڭىسىڭ ءبىزدىڭ زور ماقتانىشىمىزدى تۋعىزدى. الداعى ۋاقىتتا سپورتتا ۇلكەن بيىكتەردى باعىندىرۋىڭا تىلەكتەسپىن. دەنىڭ ساۋ، وتباسىڭ امان بولسىن، – دەپ ىستىق ىقىلاسىن جەتكىزگەن اۋدان باسشىسى جەڭىمپازعا ءوز اتىنان سىي-سياپات جاساپ، العىس حات تابىس ەتتى.اكبار ەلۋبايۇلى – ەركىن كۇرەستەن قر-نىڭ ءۇش دۇركىن جەڭىمپازى، ازيانىڭ كۇمىس جۇلدەگەرى. سونداي-اق، سپورتتىڭ مما، پانكراتيون، دجيۋ-دجيتسۋ تۇرلەرى بويىنشا قر چەمپيونى، سپورت شەبەرى. «تولاعاي سۇلتانى – 2019» بايقاۋىنىڭ ءبىرىنشى ورىن يەگەرى. 33 كەلى تارتاتىن مۋلياجدى 2019 رەت كوتەرىپ، قازاقستاننىڭ رەكوردتار كىتابىنا (كينەس) ەنگەن.
ماقسات قارعاباي
