جانىبەك ءالىمحانۇلى قارسىلاسىن نوكاۋتپەن جەڭدى

3712
Adyrna.kz Telegram

ورتا سالماقتاعى قازاقستاندىق بوكسشى جانىبەك ءالىمحانۇلى (10-0, 6 كو) لاس-ۆەگاستا وتكەن بوكس كەشىندە جەڭىسكە جەتتى، دەپ حابارلايدى "ادىرنا" ۇلتتىق پورتالى "Vesti.kz-كە" سىلتەمە جاساپ.

جانىبەكتىڭ قارسىلاسى الەمنىڭ بۇرىنعى چەمپيونى فرانتسيالىق حاسسان ن'دام ن'جيكام (38-5, 21 KO) بولدى. ون راۋندقا ەسەپتەلگەن ايقاس سەگىزىنشىسىندە اياقتالدى. الدىمەن جانىبەك ءۇشىنشى راۋندتا فرانتسيالىقتى نوكداۋنعا ءتۇسىردى، ال سەگىزىنشى راۋندتا تورەشى جەكپە-جەكتى توقتاتتى. وسىلايشا، قازاق بوكسشى تەحنيكالىق نوكاۋتپەن جەڭىسكە جەتتى.

بۇل كەزدەسۋدە ورتا سالماقتا ەكىنشى دارەجەلى WBO Global تيتۋلى ساراپقا سالىندى. جەڭىلىس كورمەگەن قازاقستاندىق ءۇشىن بۇل جەڭىس كاسىپقوي بوكستاعى 11-ءشى، مەرزىمىنەن بۇرىن جەڭگەن جەتىنشى جەڭىسى بولدى.

ن'دام 38 جەڭىسىمەن التىنشى رەت جەڭىلدى. ءالىمحانۇلى WBO Global بەلبەۋىن قورعادى. ول سونىمەن قاتار WBC Continental تيتۋلىنىڭ يەگەرى.

 

"ادىرنا" ۇلتتىق پورتالى

پىكىرلەر