مەملەكەت باسشىسى قاسىم-جومارت توقاەۆ نۇر-سۇلتان قالاسىنىڭ اكىمى التاي كولگىنوۆتى قابىلدادى، - دەپ حابارلايدى "ادىرنا" ءتىلشىسى اقوردا سايتىنا سىلتەمە جاساپ.
قاسىم-جومارت توقاەۆقا ەلوردانىڭ الەۋمەتتىك-ەكونوميكالىق جانە ينفراقۇرىلىمدىق دامۋى جونىندە ەسەپ بەرىلدى.
پرەزيدەنتكە الەۋمەتتىك نىساندار قۇرىلىسىنىڭ كولەمىن ۇلعايتۋ، گازبەن قامتۋ، ينۆەستيتسيا تارتۋ، ۇلەسكەرلىك قۇرىلىس نىساندارىن سالۋدى اياقتاۋ جۇمىستارى جونىندە باياندالدى.
التاي كولگىنوۆتىڭ ايتۋىنشا، بيىل مەملەكەت باسشىسىنىڭ تاپسىرماسىمەن سالىنعان جەڭىلدىكپەن بەرىلەتىن قولجەتىمدى باسپانالار، ءبىلىم بەرۋ وشاقتارى مەن باسقا دا الەۋمەتتىك نىساندار سانى رەكوردتىق دەڭگەيگە جەتكەن. ماسەلەن، 2019 جىلى 2900 الەۋمەتتىك پاتەر سالىنسا، 2021 جىلى بۇل كورسەتكىش 10 مىڭعا دەيىن جەتكەن. 2022 جىلى كەمىندە 10 مىڭ الەۋمەتتىك پاتەر سالۋ جوسپارلانىپ وتىر. سونىمەن قاتار بيىل پايدالانۋعا بەرىلگەن 15 مەكتەپ 40 مىڭعا جۋىق وقۋشىنى قامتۋعا مۇمكىندىك بەردى. كەلەسى جىلى تاعى دا 16 مەكتەپ سالۋ جوسپارلانعان.
كەزدەسۋ بارىسىندا مەملەكەت باسشىسىنا ەپيدەميولوگيالىق احۋالدى تۇراقتاندىرۋ شارالارى جانە ەلوردادا جۇرگىزىلىپ جاتقان ۆاكتسينالاۋ جۇمىستارى تۋرالى مالىمەت بەرىلدى.
قاسىم-جومارت توقاەۆ قالانى ودان ءارى دامىتۋ جونىندە بىرقاتار تاپسىرما بەردى.
