Memleket basşysy Qasym-Jomart Toqaev Nūr-Sūltan qalasynyŋ äkımı Altai Kölgınovtı qabyldady, - dep habarlaidy "Adyrna" tılşısı Aqorda saityna sılteme jasap.
Qasym-Jomart Toqaevqa elordanyŋ äleumettık-ekonomikalyq jäne infraqūrylymdyq damuy jönınde esep berıldı.
Prezidentke äleumettık nysandar qūrylysynyŋ kölemın ūlǧaitu, gazben qamtu, investisiia tartu, üleskerlık qūrylys nysandaryn saludy aiaqtau jūmystary jönınde baiandaldy.
Altai Kölgınovtıŋ aituynşa, biyl Memleket basşysynyŋ tapsyrmasymen salynǧan jeŋıldıkpen berıletın qoljetımdı baspanalar, bılım beru oşaqtary men basqa da äleumettık nysandar sany rekordtyq deŋgeige jetken. Mäselen, 2019 jyly 2900 äleumettık päter salynsa, 2021 jyly būl körsetkış 10 myŋǧa deiın jetken. 2022 jyly kemınde 10 myŋ äleumettık päter salu josparlanyp otyr. Sonymen qatar biyl paidalanuǧa berılgen 15 mektep 40 myŋǧa juyq oquşyny qamtuǧa mümkındık berdı. Kelesı jyly taǧy da 16 mektep salu josparlanǧan.
Kezdesu barysynda Memleket basşysyna epidemiologiialyq ahualdy tūraqtandyru şaralary jäne elordada jürgızılıp jatqan vaksinalau jūmystary turaly mälımet berıldı.
Qasym-Jomart Toqaev qalany odan ärı damytu jönınde bırqatar tapsyrma berdı.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz