ولگەن ساياساتكەر ءۇندىستاننىڭ بيحار شتاتىنداعى اۋىلدا وتكەن جەرگىلىكتى سايلاۋدا جەڭىسكە جەتتى، جەرگىلىكتى تۇرعىندار ونىڭ سوڭعى تىلەگىن ورىنداۋ ءۇشىن مارقۇمعا داۋىس بەرۋگە شەشىم قابىلدادى، دەپ حابارلايدى "ادىرنا" ۇلتتىق پورتالى جەرگىلىكتى NDTV تەلەارناسىنا سىلتەمە جاساپ.
تەلەارنانىڭ حابارلاۋىنشا، 24 قاراشادا وتكەن سايلاۋ قورىتىندىسى شىعارىلعان كۇنى جەڭىمپازداردىڭ ءبىرىن ەش جەردەن تابا الماعان، كەيىنىرەك ونىڭ 6 قاراشادا قايتىس بولعانى بەلگىلى بولعان.
مارقۇم سوحان مۋرمۋدىڭ وتباسى سايلاۋداعى جەڭىس ونىڭ سوڭعى تىلەگى ەكەنىن، اۋىل تۇرعىندارى مارقۇمنىڭ سوڭعى تىلەگىن قۇرمەتتەۋ ءۇشىن وعان داۋىس بەرگەنىن ايتتى. جەرگىلىكتى بيلىك وكىلى جاڭا سايلاۋ وتكىزۋ كەرەكتىگىن مالىمدەدى.
"ادىرنا" ۇلتتىق پورتالى
