توپ-10 اعىلشىن ءتىلىن ۇيرەتەتىن سايت
بارلىعىن بىردەي يگەرۋگە تىرىسپاڭىز. ءتىل ۇيرەنۋدى ءبىلىمدى بولامىن دەپ ەمەس، باسقا ەلدەرگە ساياحاتتايمىن دەگەن ماقساتتا وقىساڭىز تەز مەڭگەرەسىز.
Quizlet
جاڭا سوزدەردى جادىمىزدا ساقتاۋ، جاڭا ءتىل ۇيرەنۋدەگى ەڭ قيىن ەتاپ ەكەنىن بىلەمىز. الايدا، Quizlet-تە ءسىز وزىڭىزگە قاجەتتى سوزدىكتەر ءتىزىمىن جاساپ، ءارتۇرلى جاتتىعۋلار كومەگىمەن جاڭا سوزدەردى جاتتاي الاسىز. IOS جانە Android ءۇشىن ءموبيلدى قوسىمشا بار جانە سايتقا قاراعاندا ىڭعايلى.
Learn English with TV Series
بارلىق سەريالارى الەمگە تانىمال جانە سۇيىكتى كورەرمەندەرى كوپ. قازىر قىزىقتى تاپسىرمالار بەرە وتىرا لەكسيكالىق جانە گرامماتيكالىق قۇرىلىمداردى تالداۋمەن اينالىسادى.
BBC Learning English
ەڭ تانىمال بريتاندىق مەديا رەسۋرس. اعىلشىن ءتىلىن ۇيرەنۋشىلەرگە اقىسىز كۋرستار مەن جاتتىعۋلار ۇسىنادى. دەڭگەيىڭىزگە قاراي تاپسىرمالار بەرەدى.
LyricsTraining
بۇل قوسىمشامەن ءسىز تىڭداۋ ارقىلى جاڭا سوزدەردى ۇيرەنەسىز. شەتەلدىك سۇيىكتى انشىڭىزبەن بىرگە ءان ايتىپ، ماعىناسىن تۇسىنەسىز. اعىلشىن تىلىنەن بولەك وننان استام باسقا ءتىل بار.
TED Talks
اعىلشىن تىلىندەگى عىلىمي سايت. قويىلىمدار مەن دارىستەر سۋبتيترمەن بەرىلگەن. سوندىقتان تانىس ەمەس قيىن سوزدەردەن قورىقپاۋىڭىزعا بولادى.
Grammar.net
ءبىرىنشى دەڭگەيدەگى ادامدار ءۇشىن پايدالى رەسۋرس. ءبىز سىزگە كۇردەلى لەكسيكانى تۇسىنەتىن ينفوگرافيكالىق ءبولىمدى مۇقيات قاراپ شىعۋعا كەڭەس بەرەمىز.
Englishfox.ru
ءسىز بەلگىلى ءبىر تاقىرىپ بويىنشا جاڭا سوزدەر ىزدەسەڭىز دە، گرامماتيكانى قايتالاعىڭىز كەلسە نەمەسە ەللەن شوۋىنىڭ سوڭعى شىعارىلىمىن سۋبتيترمەن قاراعىڭىز كەلسە وسى سايتقا جۇگىنىڭىز. بارلىعى بار.
Coursera
الەمنىڭ جەتەكشى كومپانيالارى مەن ۋنيۆەرسيتەتتەرى ۇسىنعان ءارتۇرلى باعىتتاعى كۋرس. ۆيدەوساباقتاردىڭ كوبى ورىس ءتىلدى سۋبتيترمەن بەرىلگەن. ەگەر ءسىز اعىلشىن ءتىلىن يگەرۋىڭىزگە سەنىمسىز بولساڭىز،باربارا وكليدىڭ «ۇيرەنۋدى ۇيرەنىڭىز» كۋرس ساباقتارىن كورىڭىز. ءبىرازدان كەيىن ءسىز ءبارىن دەرلىك تۇسىنەتىندىگىڭىزدى بايقايسىز.
British Council
تىلدى وقىتۋعا ارنالعان پراكتيكالىق رەسۋرس. وقۋ ماتەريالدارى ءۇش توپقا بولىنەدى: بالالار، جاسوسپىرىمدەر جانە ەرەسەكتەرگە ارنالعان.
Documentary Heaven
دەرەكتى فيلم كورگەندى ۇناتاتىندارعا تاپتىرماس سايت. ولاردىڭ ىشىندە ءسىز ءوزىڭىزدىڭ تالعامىڭىزعا سايكەس تاقىرىپتاردى تابا الاسىز: ارحەولوگيا، عارىش، سپورت، بيزنەس جانە تانىمال ادامداردىڭ ومىرلەرى تۋرالى دەرەكتى فيلمدەردى كورە وتىرا اعىلشىن ءتىلىن ۇيرەنەسىز.
ءىنجۋ ومىرزاق،
"ادىرنا" ۇلتتىق پورتالى