عاسىر جوباسى: وزبەكستان 20-دان استام گەس سالماق

2904
Adyrna.kz Telegram

وزبەكستان بيلىگى 20 سۋ ەلەكتر ستانساسىن سالۋدى جوسپارلاپ وتىر، - دەپ حابارلايدى وزبەكستان پرەزيدەنتىنىڭ ءباسپاسوز قىزمەتى.

نىسانداردىڭ جالپى قۋاتى 740 مەگاۆاتت بولۋى كەرەك.

قۇراستىرىلعان كەستەگە سايكەس، كەلەسى جىلى قۋاتتىلىعى 170 مەگاۆاتت جەتى سۋ ەلەكتر ستانتسياسى، 2023-2024 جىلدارى – 12 سۋ ەلەكتر ستانتسياسى (150 مەگاۆاتت), 2025-2026 جىلدارى – ەكى سۋ ەلەكتر ستانتسياسى (420 مەگاۆاتت) اشىلادى.

سونداي-اق، بوگەت سالۋدى قاجەت ەتپەيتىن جالپى قۋاتى 5 مەگاۆاتتقا دەيىنگى شاعىن سۋ ەلەكتر ستانتسيالارىن سالۋ دا جوسپاردا بار.

بۇل باستاماعا جەكە سەكتور تارتىلادى.

وگەم، نارىن، اقبۇلاق، سوح، تانحوز وزەندەرى مەن ارنالارىنىڭ بويىنداعى اۋىلداردى ەلەكترمەن قامتاماسىز ەتۋ ءۇشىن قۋاتتىلىعى 500 كيلوۆاتتقا دەيىنگى شاعىن سۋ ەلەكتر ستانتسيالارىن ورناتۋ جوسپارلانۋدا.

تاشكەنت وبلىسىندا پسكەم سۋ ەلەكتر ستانتسياسىنىڭ قۇرىلىسى باستالىپ تا كەتتى. ونىڭ قۋاتى 400 مۆت، ال قۋاتى 950 ملن كۆت/ساع.

2021 جىلى قازاقستان ماڭعىستاۋ جانە قىزىلوردا وبلىستارىندا الاپات قۇرعاقشىلىققا تاپ بولدى. بۇل ايماقتارداعى وزەندەر وزبەكستان ارقىلى وتەدى، ول سۋدى سۋارۋ جانە ەلەكتر ستانتسيالارىن قورەكتەندىرۋ ءۇشىن پايدالانادى. سونىمەن، اسىرەسە، ارال تەڭىزى قۇرعادى. وسىلايشا كورشى ەلدە جاڭا سۋ ەلەكتر ستانسالارىنىڭ سالىنۋى تاعى ءبىر قۋاڭشىلىققا قاۋىپ ءتوندىرۋى مۇمكىن.

پىكىرلەر