بايقوڭىردا كوپسالالى اۋرۋحانانىڭ باس دارىگەرى ەمدەۋ مەكەمەسىنە تيەسىلى 2 ملن 500 مىڭ تەڭگە قاراجاتتى جىمقىرعان دەپ حابارلايدى «ادىرنا» ۇلتتىق پورتالى «orda.kz-كە» سىلتەمە جاساپ.
قازىر دارىگەرگە قاتىستى بوتەننىڭ مۇلكىن يەمدەنۋ فاكتىسى تەكسەرىلىپ جاتىر.
«2020 جىلدىڭ جەلتوقسان ايىندا بايقوڭىر قالاسىنىڭ كوپسالالى اۋرۋحاناسىنىڭ باس دارىگەرى قىزمەت بابىن پايدالانا وتىرىپ، وزىنە زاڭسىز سىياقى ەسەپتەۋ ارقىلى وسى ەمدەۋ مەكەمەسىنە تيەسىلى 2 ملن 500 مىڭ تەڭگە قاراجاتتى جىمقىرعان» -دەلىنگەن «بايقوڭىر» كەشەنى پروكۋراتۋراسىنىڭ حابارلاماسىندا.
قازىرگى ۋاقىتتا قىلمىستىق ءىس بويىنشا جاسالعان ارەكەتتىڭ بارلىق ءمان-جايىن انىقتاۋعا جانە «بايقوڭىر قالاسىنىڭ كوپسالالى اۋرۋحاناسى» مم-نە كەلتىرىلگەن ماتەريالدىق شىعىندى وتەۋگە باعىتتالعان جەدەل-ىزدەستىرۋ ءىس-شارالارى جۇرگىزىلۋدە.
كەشەن پروكۋراتۋراسى قىلمىستىق ءىستىڭ تەرگەلۋ بارىسىن باقىلاۋعا الدى.
«ادىرنا» ۇلتتىق پورتالى.
