ەڭبەك جانە حالىقتى الەۋمەتتىك قورعاۋ مينيسترلىگى زەينەتاقى جيناعىنىڭ جەتكىلىكتىلىك شەگىنە قاتىستى ەشقانداي وزگەرىستەر ەنگىزبەگەنىن مالىمدەدى، دەپ حابارلايدى "ادىرنا" ۇلتتىق پورتالى.
ۆەدومستۆو مالىمەتىنشە، بارلىق ەسەپ ايىرىسۋلاردى بىرىڭعاي جيناقتاۋشى زەينەتاقى قورى جۇرگىزدى.
- قازاقستان رەسپۋبليكاسىندا زەينەتاقىمەن قامسىزداندىرۋ تۋرالى" زاڭعا سايكەس جەتكىلىكتىلىك شەگى – بەلگىلى ءبىر جاستاعى سالىمشى ءۇشىن زەينەتاقى جيناقتارىنىڭ ەڭ تومەنگى قاجەتتى سوماسى، ول بجزق-عا تۇراقتى 10% جارنالاردى ەسكەرە وتىرىپ، بولاشاقتا ونى ەڭ تومەنگى زەينەتاقى مولشەرىنەن تومەن ەمەس مولشەردە زەينەتاقى تولەمدەرىمەن قامتاماسىز ەتۋگە مۇمكىندىك بەرەدى. جوعارىدا اتالعان كورسەتكىشتەردىڭ كەز كەلگەنىن وزگەرتۋ اۆتوماتتى تۇردە جەتكىلىكتىلىك شەگىن قايتا ەسەپتەۋگە الىپ كەلەتىنىن اتاپ ءوتۋ قاجەت. وسىعان بايلانىستى ەڭبەكمينى ادىستەمە بەكىتىلگەنگە دەيىن جەتكىلىكتىلىك شەگى جىل سايىن قايتا ەسەپتەلەتىنى تۋرالى بىرنەشە رەت (2020 جىلعى قىركۇيەكتەن جەلتوقسانعا دەيىنگى كەزەڭدە) حابارلادى، - دەلىنگەن مينيسترلىك تاراتقان حابارلامادا.
ۆەدومستۆو سونداي-اق زاڭعا سايكەس زەينەتاقى جۇيەسىنىڭ جيناقتاۋشى سەگمەنتىندە ساياساتتى ىسكە اسىرۋدى، ونىڭ ىشىندە جوعارىدا كورسەتىلگەن ادىستەمە نەگىزىندە جەتكىلىكتىلىك شەگىن ەسەپتەۋدى بىرىڭعاي وپەراتور بجزق اتىنان جۇزەگە اسىراتىنىن، زاڭ جۇزىندە بجزق-نىڭ ءوز قىزمەتى تۋرالى كونسۋلتاتيۆتىك جانە ءتۇسىندىرۋ جۇمىستارىن جۇزەگە اسىرۋ مىندەتى تىكەلەي كوزدەلگەنىن اتاپ ءوتتى.
ەستەرىڭىزگە سالا كەتەيىك، 2022 جىلى بىرجولعى زەينەتاقى تولەمىن الۋدىڭ جەتكىلىكتىلىك شەگى 1,8 ەسە كوتەرىلەدى دەپ حابارلانعان بولاتىن. الايدا ەڭبەك مينيسترلىگى مەن بجزق-نىڭ مۇنداي جاۋابىنا كوپتەگەن قازاقستاندىقتىڭ كوڭىلى تولماي، نارازىلىقتارىن ءبىلدىردى.
"ادىرنا" ۇلتتىق پورتالى
