Eŋbek jäne halyqty äleumettık qorǧau ministrlıgı zeinetaqy jinaǧynyŋ jetkılıktılık şegıne qatysty eşqandai özgerıster engızbegenın mälımdedı, dep habarlaidy "Adyrna" ūlttyq portaly.
Vedomstvo mälımetınşe, barlyq esep aiyrysulardy Bıryŋǧai jinaqtauşy zeinetaqy qory jürgızdı.
- Qazaqstan Respublikasynda zeinetaqymen qamsyzdandyru turaly" Zaŋǧa säikes jetkılıktılık şegı – belgılı bır jastaǧy salymşy üşın zeinetaqy jinaqtarynyŋ eŋ tömengı qajettı somasy, ol BJZQ-ǧa tūraqty 10% jarnalardy eskere otyryp, bolaşaqta ony eŋ tömengı zeinetaqy mölşerınen tömen emes mölşerde zeinetaqy tölemderımen qamtamasyz etuge mümkındık beredı. Joǧaryda atalǧan körsetkışterdıŋ kez kelgenın özgertu avtomatty türde jetkılıktılık şegın qaita esepteuge alyp keletının atap ötu qajet. Osyǧan bailanysty Eŋbekminı ädısteme bekıtılgenge deiın jetkılıktılık şegı jyl saiyn qaita esepteletını turaly bırneşe ret (2020 jylǧy qyrküiekten jeltoqsanǧa deiıngı kezeŋde) habarlady, - delıngen ministrlık taratqan habarlamada.Vedomstvo sondai-aq zaŋǧa säikes zeinetaqy jüiesınıŋ jinaqtauşy segmentınde saiasatty ıske asyrudy, onyŋ ışınde joǧaryda körsetılgen ädısteme negızınde jetkılıktılık şegın esepteudı bıryŋǧai operator BJZQ atynan jüzege asyratynyn, zaŋ jüzınde BJZQ-nyŋ öz qyzmetı turaly konsultativtık jäne tüsındıru jūmystaryn jüzege asyru mındetı tıkelei közdelgenın atap öttı. Esterıŋızge sala keteiık, 2022 jyly bırjolǧy zeinetaqy tölemın aludyŋ jetkılıktılık şegı 1,8 ese köterıledı dep habarlanǧan bolatyn. Alaida Eŋbek ministrlıgı men BJZQ-nyŋ mūndai jauabyna köptegen qazaqstandyqtyŋ köŋılı tolmai, narazylyqtaryn bıldırdı.
"Adyrna" ūlttyq portaly
