شىمكەنت قالاسىندا بۇگىنگى تاڭدا تۇرعىندارعا 36 مەديتسينالىق ۇيىم قىزمەت كورسەتەدى. العاشقى جارتىجىلدىقتا جاڭا 5 مەديتسينالىق ۇيىم اشىلىپ، دەنساۋلىق ساقتاۋ سالاسىندا مەملەكەتتىك-جەكەمەنشىك ارىپتەستىك بايلانىستار جولعا قويىلدى. مەديتسينالىق ۇيىمداردىڭ ماتەريالدىق-تەحنيكالىق بازاسىن جاڭعىرتۋعا 9 ملرد. تەڭگە قارالىپ، مەديتسينا ۇيىمدارىنىڭ بازاسىن جاڭارتۋ جۇمىستارى 71 پايىزدان 81 پايىزعا جەتتى.
بيىلعى جىلى 6 مەديتسينالىق ۇيىمنىڭ عيماراتتارى كۇردەلى جوندەۋدەن وتكىزىلسە، الداعى بەس جىل ىشىندە 10 مەديتسينالىق ۇيىمنىڭ قۇرىلىستارى قولعا الىنباق. 2023 جىلعا دەيىنگى مەرزىمدە قالا ورتالىعىنان شالعايدا جاتقان اۋماقتاردا 12 دارىگەرلىك امبۋلاتوريا سالىناتىن بولادى.
حالىققا ۇسىنىلاتىن مەديتسينالىق قىزمەتتەردىڭ ساپاسىن ارتتىرۋ ماقساتىندا مەديتسينالىق پەرسونالدىڭ 30 پايىزىن قامتي وتىرىپ، يزرايل، المانيا، رەسەي، ليتۆا مەملەكەتتەرىنىڭ وزىق مەديتسينا عالىمدارىن تارتا وتىرىپ، تاجىريبە ارتتىرۋ دارىستەرىن ۇيىمداستىرۋ جوسپارلانعان.
"ادىرنا" ۇلتتىق پورتالى.